Міліцыя забрала ў Леванеўскага зварот да прэзідэнта
Еўрапейскае Радыё для Беларусі. У Гродне сёння затрымлівалі актывіста прадпрымальніцкага руху Валерыя Леванеўскага. Ён збіраўся ехаць у Мінск, але яго мікрааўтобус быў спынены на выездзе з горада.
Міліцыянты заявілі, што транспартны сродак падобны на машыну, з дапамогай якой у Баранавічах скралі будаўнічыя матэрыялы.
Гэтая версія не знайшла пацверджання. Пасля праверкі Леванеўскага адпусцілі, аднак з мікрааўтобуса забралі яго асабістыя рэчы, у тым ліку надрукаваны зварот да ўрада і прэзідэнта.
Валервы Леванеўскі ўжо напісаў заяву ў міліцыю пра незаконнасць такіх дзеянняў.
