Лісты Валерыя Леванеўскага былі прызнаныя ўлёткамі
Радыё Свабода. Валеры Леванеўскі атрымаў адказ з пракуратуры на сваю заяву, у якой скардзіўся на дзеяньні міліцыянтаў, якія затрымалі яго з другім былым палітвязьнем Аляксандрам Васільевым і сканфіскавалі асабістыя рэчы.
Такім чынам міліцыянты перашкодзілі гарадзенскім лідэрам прадпрымальніцкага руху трапіць на мітынг прадпрымальнікаў у сталіцу, куды яны накіроўваліся. Гэта адбылося 12 сакавіка. З пракуратуры Гарадзенскага раёну адказалі, што праведзена праверка і падставаў для ўзбуджэньня крымінальнай справы няма.
Паводле Валерыя Леванеўскага, рэчы больш чым празь месяц былі вернуты, апроч ягоных лістоў у прэзыдэнцкую адміністрацыю і ва ўрад, якія былі прызнаны ўлёткамі і зьнішчаныя.
