Право
Загрузить Adobe Flash Player
Навигация
Новые документы

Реклама

Законодательство России

Долой пост президента Беларуси

Ресурсы в тему
ПОИСК ДОКУМЕНТОВ

Приказ Министерства образования Республики Беларусь от 30.12.2003 N 519 "Аб Адзiным моўным рэжыме ўстановы, якая забяспечвае атрыманне агульнай сярэдняй адукацыi"

Текст документа с изменениями и дополнениями по состоянию на 10 июля 2009 года

Архив

< Главная страница

Стр. 2


Страницы: | Стр.1 | Стр.2



+--------------------------------+---------------+-----------------+
¦           Восьмы               ¦    110 - 120  ¦    110 - 120    ¦
+--------------------------------+---------------+-----------------+
¦           Дзевяты              ¦    120 - 140  ¦    120 - 140    ¦
+--------------------------------+---------------+-----------------+
¦           Дзесяты              ¦    140 - 170  ¦    140 - 170    ¦
+--------------------------------+---------------+-----------------+
¦           Адзiнаццаты          ¦    170 - 190  ¦    170 - 190    ¦
+--------------------------------+---------------+-----------------+
¦           Дванаццаты           ¦    190 - 210  ¦    190 - 210    ¦
¦--------------------------------+---------------+------------------


3аўвагi:

1. Пры наяўнасцi дадатковых моўных i маўленчых заданняў аб'ём дыктанта будзе адпавядаць першай лiчбе ў таблiцы для пэўнага класа.

2. Пры падлiку колькасцi слоў у тэксце бяруцца пад увагу загаловак, усе самастойныя i службовыя часцiны мовы, выклiчнiкi.

3. Аб'ём кантрольнага дыктанта ў класах з паглыбленым вывучэннем мовы можа быць павялiчаны на 10 - 30 слоў.

4. Да канца першай чвэрцi, а ў V класе (пяты год навучання - у 12-гадовай школе) на працягу I паўгоддзя, захоўваецца аб'ём тэксту, рэкамендаваны для папярэдняга класа.



Перад правядзеннем дыктанта на дошцы запiсваюцца словы, не зразумелыя вучням, а таксама тыя, з напiсаннем якiх вучнi яшчэ не знаёмiлiся.

Для кантрольнага дыктанта падбiраюцца тэксты, у якiх вывучаныя арфаграмы i пунктаграмы пададзены не менш чым 2 - 3 разы. Узровень насычанасцi тэкстаў можа быць наступны.



---------------------------------------+--------------------------------¬
¦                 Клас                 ¦  11-гадовая агульнаадукацыйная ¦
¦                                      ¦              школа             ¦
¦                                      +--------------------------------+
¦                                      ¦         Колькасць вiдаў        ¦
¦                                      +--------------+-----------------+
¦                                      ¦   арфаграм   ¦   пунктаграм    ¦
+--------------------------------------+--------------+-----------------+
¦                 VI                   ¦      16      ¦      3 - 4      ¦
+--------------------------------------+--------------+-----------------+
¦                 VII                  ¦      20      ¦      4 - 5      ¦
+--------------------------------------+--------------+-----------------+
¦                 VIII                 ¦      24      ¦      5 - 10     ¦
+--------------------------------------+--------------+-----------------+
¦                 IX                   ¦      24      ¦     10 - 15     ¦
+--------------------------------------+--------------+-----------------+
¦                 X - XI               ¦      28      ¦     15 - 20     ¦
¦--------------------------------------+--------------+------------------


---------------------------------------+--------------------------------¬
¦             Год навучання            ¦  12-гадовая агульнаадукацыйная ¦
¦                                      ¦              школа             ¦
¦                                      +--------------------------------+
¦                                      ¦         Колькасць вiдаў        ¦
¦                                      +--------------+-----------------+
¦                                      ¦   арфаграм   ¦   пунктаграм    ¦
+--------------------------------------+--------------+-----------------+
¦                Пяты                  ¦      10      ¦      2 - 3      ¦
+--------------------------------------+--------------+-----------------+
¦                Шосты                 ¦      12      ¦      2 - 3      ¦
+--------------------------------------+--------------+-----------------+
¦                Сёмы                  ¦      16      ¦      3 - 4      ¦
+--------------------------------------+--------------+-----------------+
¦                Восьмы                ¦      20      ¦      4 - 5      ¦
+--------------------------------------+--------------+-----------------+
¦                Дзевяты               ¦      24      ¦      5 - 10     ¦
+--------------------------------------+--------------+-----------------+
¦                Дзесяты               ¦      24      ¦     10 - 15     ¦
+--------------------------------------+--------------+-----------------+
¦       Адзiнаццаты - дванаццаты       ¦      28      ¦     15 - 20     ¦
¦--------------------------------------+--------------+------------------


У дыктанце можа быць не больш чым наступная колькасць слоў з неправяраемымi i цяжкаправяраемымi напiсаннямi, правапiсу якiх школьнiкi спецыяльна вучылiся:

для 11-гадовай агульнаадукацыйнай школы:

VI - VII класы - 7 слоў;

VIII - IX класы - 10 слоў;

X - XI класы - 12 слоў;

для 12-гадовай агульнаадукацыйнай школы:

пяты - шосты гады навучання - 5 слоў;

сёмы - восьмы гады навучання - 7 слоў;

дзевяты - дзесяты гады навучання - 10 слоў;

адзiнаццаты - дванаццаты гады навучання - 12 слоў.

У тэксты кантрольных дыктантаў уключаюцца словы толькi з тымi вывучанымi арфаграмамi, якiя ў дастатковай ступенi замацоўвалiся (не менш чым на двух-трох папярэднiх уроках).



Аб'ём слоўнiкавага дыктанта



-------------------------------------------------------------------¬
¦               11-гадовая агульнаадукацыйная школа                ¦
+-----------------------------------+------------------------------+
¦              Клас                 ¦         Колькасць слоў       ¦
+-----------------------------------+------------------------------+
¦              VI                   ¦             15 - 20          ¦
+-----------------------------------+------------------------------+
¦              VII                  ¦             20 - 25          ¦
+-----------------------------------+------------------------------+
¦              VIII                 ¦             25 - 30          ¦
+-----------------------------------+------------------------------+
¦              IX                   ¦             30 - 35          ¦
+-----------------------------------+------------------------------+
¦              X - XI               ¦             35 - 40          ¦
¦-----------------------------------+-------------------------------


-------------------------------------------------------------------¬
¦               12-гадовая агульнаадукацыйная школа                ¦
+-----------------------------------+------------------------------+
¦          Год навучання            ¦         Колькасць слоў       ¦
+-----------------------------------+------------------------------+
¦             Пяты                  ¦             12 - 15          ¦
+-----------------------------------+------------------------------+
¦             Шосты                 ¦             15 - 20          ¦
+-----------------------------------+------------------------------+
¦             Сёмы                  ¦             20 - 25          ¦
+-----------------------------------+------------------------------+
¦             Восьмы                ¦             25 - 30          ¦
+-----------------------------------+------------------------------+
¦             Дзевяты               ¦             30 - 35          ¦
+-----------------------------------+------------------------------+
¦             Дзесяты               ¦             35 - 40          ¦
+-----------------------------------+------------------------------+
¦    Адзiнаццаты - дванаццаты       ¦             40 - 45          ¦
¦-----------------------------------+-------------------------------


Аб'ём тэкстаў для пераказу



Усе творчыя работы праводзяцца ў адпаведнасцi з патрабаваннямi школьнай праграмы. У якасцi кантрольных праводзяцца падрабязныя пераказы. Устанаўлiваецца наступны прыкладны аб'ём тэксту пераказаў (колькасць слоў).



---------------------------------+---------------------------------¬
¦              Клас              ¦   11-гадовая агульнаадукацыйная ¦
¦                                ¦               школа             ¦
¦                                +---------------+-----------------+
¦                                ¦ з беларускай  ¦  з рускай мовай ¦
¦                                ¦мовай навучання¦     навучання   ¦
+--------------------------------+---------------+-----------------+
¦              VI                ¦   150 - 200   ¦     120 - 180   ¦
+--------------------------------+---------------+-----------------+
¦              VII               ¦   200 - 250   ¦     180 - 220   ¦
+--------------------------------+---------------+-----------------+
¦              VIII              ¦   250 - 350   ¦     250 - 350   ¦
+--------------------------------+---------------+-----------------+
¦              IX                ¦   350 - 450   ¦     350 - 450   ¦
+--------------------------------+---------------+-----------------+
¦              X - XI            ¦   450 - 600   ¦     450 - 600   ¦
¦--------------------------------+---------------+------------------


---------------------------------+---------------------------------¬
¦          Год навучання         ¦   12-гадовая агульнаадукацыйная ¦
¦                                ¦               школа             ¦
¦                                +---------------+-----------------+
¦                                ¦ з беларускай  ¦  з рускай мовай ¦
¦                                ¦мовай навучання¦     навучання   ¦
+--------------------------------+---------------+-----------------+
¦             Пяты               ¦   100 - 120   ¦     80 - 100    ¦
+--------------------------------+---------------+-----------------+
¦             Шосты              ¦   120 - 150   ¦     100 - 120   ¦
+--------------------------------+---------------+-----------------+
¦             Сёмы               ¦   150 - 200   ¦     120 - 180   ¦
+--------------------------------+---------------+-----------------+
¦             Восьмы             ¦   200 - 250   ¦     180 - 220   ¦
+--------------------------------+---------------+-----------------+
¦             Дзевяты            ¦   250 - 350   ¦     250 - 350   ¦
+--------------------------------+---------------+-----------------+
¦             Дзесяты            ¦   350 - 450   ¦     350 - 450   ¦
+--------------------------------+---------------+-----------------+
¦    Адзiнаццаты - дванаццаты    ¦   450 - 600   ¦     450 - 600   ¦
¦--------------------------------+---------------+------------------


У I паўгоддзi пятага года навучання ў 12-гадовай школе ў школах з рускай i iншымi мовамi навучання праводзяцца толькi навучальныя пераказы, якiя ацэньваюцца па нормах для чацвёртага года навучання.

Тэксты падагульняючых кантрольных пераказаў у VIII - IX класах (дзевяты - дзесяты гады навучання ў 12-гадовай школе) могуць быць некалькi павялiчаны (прыкладна да 50 слоў) у параўнаннi з дадзенымi нормамi ў сувязi з тым, што на такiх уроках не праводзiцца падрыхтоўчая работа.



Прыкладны аб'ём сачыненняў



Шосты год навучання - 0,5 - 1 старонка

Сёмы год навучання - 1 - 1,5 старонкi

Восьмы год навучання - 1,5 - 2 старонкi

Дзевяты год навучання - 2 - 3 старонкi

Дзесяты год навучання - 3 - 4 старонкi

Адзiнаццаты год навучання - да 5 старонак

Дванаццаты год навучання - да 6 старонак



Да названага аб'ёму сачыненняў настаўнiк павiнен адносiцца як да вельмi прыкладнага, таму што аб'ём вучнёўскага сачынення залежыць ад многiх абставiн, у прыватнасцi ад характару тэмы i яе раскрыцця, ад стылю i жанру, ад агульнага развiцця вучняў i г.д. Аднак, калi аб'ём сачынення ў 1,5 - 2 разы меншы або большы за названую прыкладную норму, то настаўнiк мае права панiзiць або павысiць адзнаку (бал).

Сачыненнi па беларускай, рускай мовах i лiтаратурах, мовах i лiтаратурах нацыянальных супольнасцей з пятага па дзевяты гады навучання носяць толькi навучальны характар.



Прыкладная колькасць i прызначэнне вучнёўскiх сшыткаў



У пачатковай школе:

1. У першы год навучання заданнi па навучаннi грамаце, матэматыцы, курсу "Чалавек i свет" выконваюцца ў сшытках на друкаванай аснове <*> цi ў звычайных сшытках (па выбары настаўнiка).

------------------------------------

<*> Сшыткi на друкаванай аснове для ўсiх класаў па ўсiх прадметах павiнны быць рэкамендаваны Мiнiстэрствам адукацыi.



2. У другi - чацвёрты гады навучання для выканання ўсiх вiдаў навучальных работ вучням рэкамендуецца мець наступную колькасць сшыткаў:

па беларускай, рускай, замежных мовах (з трэцяга года навучання), матэматыцы - па 2 сшыткi; з II паўгоддзя трэцяга года навучання на ўсiх узроўнях навучання вядуцца сшыткi-слоўнiкi па замежнай мове;

па курсах "Чалавек i свет", "Мая Радзiма - Беларусь" (па меркаваннi настаўнiка) - 1 сшытак (магчыма i на друкаванай аснове, якi можа выкарыстоўвацца для выканання невялiкiх практычных работ, замалёвак, слоўнiкавай працы, правядзення тэматычных i вынiковых праверачных работ);

па лiтаратурным чытаннi (па меркаваннi настаўнiка) - чытацкi дзённiк, сшытак.

3. Для выканання тэматычных, прамежкавых i вынiковых кантрольных работ па беларускай, рускай мовах, матэматыцы ў другi - чацвёрты гады навучання, замежнай мове ў трэцi - чацвёрты гады навучання ўводзяцца сцецыяльныя сшыткi, якiя на працягу года захоўваюцца ў школе i выдаюцца вучням для выканання ў ix пералiчаных работ i работ над памылкамi. Па замежнай мове работа над памылкамi не праводзiцца.

4. Навучальныя пераказы i сачыненнi ў пачатковых класах пiшуцца ў рабочых сшытках.

5. Перавод вучняў на пiсьмо ў сшытках з разлiноўкай у адну лiнейку пачынаецца з II паўгоддзя другога года навучання паступова па меры станаўлення графiчнага навыку.

У сярэдняй школе:

1. Для выканання ўсiх вiдаў навучальных работ вучням рэкамендуецца мець наступную колькасць сшыткаў:

па беларускай, рускай мовах, мовах нацыянальных супольнасцей, матэматыцы ў пяты - дванаццаты гады навучання - па 2 сшыткi;

па беларускай, рускай лiтаратурах, лiтаратурах нацыянальных супольнасцей, сусветнай мастацкай культуры - 1 сшытак;

па замежных мовах у пяты - дванаццаты гады навучання - па 2 сшыткi, сшыткi-слоўнiкi - у трэцi - дзесяты гады навучання (на ўсiх узроўнях). Сшыткi-слоўнiкi ў адзiнаццаты - дванаццаты гады навучання вядуцца па жаданнi вучняў;

па фiзiцы, хiмii - 2 звычайныя сшыткi (адзiн для выканання класных i дамашнiх работ, другi - для афармлення лабараторных, эксперыментальных, практычных работ) або 1 сшытак на друкаванай аснове, у якiм навучэнцы выконваюць лабараторныя, эксперыментальныя, практычныя дамашнiя i класныя работы (па выбары настаўнiка);

па бiялогii, геаграфii, iнфарматыцы, па курсу "Чалавек i свет" i астраномii, гiсторыi Беларусi, сусветнай гiсторыi, курсу "Чалавек. Грамадства. Дзяржава", тэхналогii i працоўным навучаннi, факультатывах i курсах па выбары - па 1 сшытку або 1 сшытак на друкаванай аснове (на выбар настаўнiка);

па выяўленчым мастацтве - 1 сшытак;

па музыцы - 1 нотны сшытак.

2. Для кантрольных работ па беларускай, рускай, замежнай мовах, мовах нацыянальных супольнасцей, матэматыцы, iнфарматыцы, фiзiцы, хiмii ў пяты - дванаццаты гады навучання, па лiтаратурах у дзесяты - дванаццаты гады навучання ўводзяцца спецыяльныя сшыткi, якiя на працягу года захоўваюцца ў школе i выдаюцца вучням для выканання ў ix кантрольных работ.



Парадак вядзення i афармлення сшыткаў



Усе запiсы ў сшытках вучнi павiнны рабiць з захаваннем наступных патрабаванняў:

1. Пiсаць акуратна, разборлiвым почыркам, карыстацца шарыкавай ручкай. У сшытках для кантрольных работ непажадана выкарыстанне каляровых алоўкаў, фламастэраў, уклеек i аплiкацый.

2. У першы год навучання пры навучаннi пiсьму дазваляецца выкарыстоўваць аловак з паступовым пераходам на шарыкавую ручку.

3. Выконваючы надпiсы на вокладцы сшыткаў, указваць, для чаго прызначаецца сшытак (для работ па беларускай мове, для кантрольных работ па матэматыцы, для лабараторных работ па фiзiцы i г.д.), клас, нумар або назву школы, прозвiшча, iмя (поўнасцю) вучня ў родным склоне.

4. У першы - другi гады навучання сшыткi для вучняў падпiсваюцца настаўнiкам, у трэцi - чацвёрты гады навучання - вучнем пад кiраўнiцтвам настаўнiка, у пяты - дванаццаты гады навучання - падпiсваюцца вучнем.

Узоры афармлення сшыткаў:



            Сшытак
     для кантрольных работ
     па беларускай мове
     вучанiцы 2 класа
     Караваеўскай базавай школы
     Данiльчык Вольгi


            Тетрадь
     для работ
     по русскому языку
     ученика 4 "Г" класса
     гимназии N 61 г. Минска
     Сафонова Виталия


Калi назва школы не змяшчаецца на адным радку, дапушчальны перанос на наступны радок (па рашэннi адмiнiстрацыi школы).



            Сшытак
     для работ
     па матэматыцы
     вучня 8 "А" класа
     сярэдняй школы N 2
     г. Наваполацка
     Мiцкевiча Аляксандра


Сшыткi па замежнай мове падпiсваюцца на замежнай мове, якая вывучаецца:



     Англiйская мова                Французская мова
     Еnglish                        Сahiеrt dе franсais
     Galina Sеdova                  Svеtlana Ivanova
     Form 3 "B"                     сlassе dе 7 eme
     Еnglish                        есolе N 20
     (for tеst)
     Galina Sеdova
     Form 3 "B"


     Нямецкая мова                  Iспанская мова
     Dеutsсh                        Еspanol
     Anna Pеtrova                   Anna Ivanova
     Klassе 5 "B"                   4 "A" grado




5. Праводзiць палi са знешняга боку. Палi абавязкова адводзяцца ў сшытках па мовах i лiтаратурах, матэматыцы ва ўсiх класах, а ў сшытках для кантрольных работ - па ўсiх прадметах. У астатнiх сшытках палi адводзяцца паводле меркавання настаўнiка, калi яны выкарыстоўваюцца для рабочых паметак.

6. У першы год навучання дата па беларускай, рускай мовах i матэматыцы не пiшацца. У другi - чацвёрты гады навучання на рабочым радку абазначаецца дата выканання работы: дзень месяца арабскай лiчбай, назва месяца пропiссю.

Узор: 6 мая

У пяты - дванаццаты гады навучання запiсваць дату выканання работы лiчбамi на палях (напрыклад, 10.09.2003 г.) ва ўсiх сшытках, акрамя сшыткаў па мовах.

У сшытках па беларускай i рускай мовах чысло i месяц запiсваюцца словамi ў форме роднага склону (па беларускай мове) i назоўнага (па рускай мове).

     Напрыклад: Дзесятага верасня
                Десятое сентября

Дата ў сшытках па замежных мовах запiсваецца так, як гэта прынята ў краiнах вывучаемых замежных моў. Напрыклад: Oсtobеr 10, 2003 (англiйская мова); Lundi, lе 5 dесеmbrе 2003 (французская мова); 9. Dеzеmbеr 2003 (нямецкая мова); 8 dе dесiеmbrе (iспанская мова).

7. Пачынаючы з трэцяга года навучання па ўсiх прадметах указваць пасля даты на наступным радку, дзе выконваецца работа (класная або дамашняя). У сшытках па матэматыцы памiж датай i назвай работы адступiць адну клетку.

8. У класных i дамашнiх работах на асобным радку ўказваецца вiд работы (пераказ, сачыненне, водгук i iнш.), называецца тэма творчай работы (без двукосся). Напрыклад:



     Дыктант                 Пераказ           Сачыненне
     Мой родны край          У лесе            З гiсторыi майго роду


Памiж работай i загалоўкам, назвай вiду работ i загалоўкам, а таксама памiж загалоўкам i тэкстам лiнейкi не прапускаюць.

У сшытках па матэматыцы пасля запiсу аб класнай (дамашняй або кантрольнай) рабоце i для аддзялення асобных заданняў адступаць 2 клеткi.

Пачынаючы з другога года навучання пры афармленнi рашэння задач на асобным радку ўказваюць вiд работы (Задача). Памiж назвай вiду работ, рашэннем i адказам адступаюць унiз 1 клетку.

Пры запiсе прыкладаў адступаюць управа тры клеткi.

Словы "Практыкаванне", "Прыклады" у пачатковых класах не пiшуцца.

9. Памiж заключным радком тэксту адной пiсьмовай работы i датай наступнай прапускаць 2 лiнейкi, а ў сшытку па матэматыцы - 4 клеткi (для аддзялення адной работы ад другой i для выстаўлення адзнакi). Пры пераходзе на наступную старонку дата i назва работы ад зместу не аддзяляюцца.

10. Захоўваць чырвоны радок.

11. Выконваць акуратна падкрэслiваннi, умоўныя абазначэннi, чарцяжы алоўкам або ручкай, у неабходным выпадку - з прымяненнем лiнейкi i цыркуля.

12. Экзаменацыйныя работы вучняў выпускных i пераводных класаў выконваюцца на асобных лiстах са штампам школы i афармляюцца наступным чынам:



Экзаменацыйная работа (дыктант)

па беларускай мове

вучанiцы 9 "Б" класа

Кавалевiч Вольгi Пятроўны



Экзаменацыйная работа

па матэматыцы

вучня 11 "А" класа

Станкевiча Сяргея Мiхайлавiча



Назва школы не ўказваецца, бо яна абазначаецца на штампе. На другой старонцы пiшацца тэма сачынення, пераказу, дыктоўкi (без слова "тэма"), па матэматыцы - нумар варыянта (1 варыянт). У двукоссе назва тэмы бярэцца толькi тады, калi яна з'яўляецца цытатай i пры ёй дадзена прозвiшча аўтара.

13. Усе экзаменацыйныя работы за курс сярэдняй школы правяраюцца i падпiсваюцца настаўнiкам дадзенага прадмета i двума членамi камiсii (а за курс базавай школы - настаўнiкам i адным членам камiсii), а затым праглядаюцца i падпiсваюцца старшынёй экзаменацыйнай камiсii.



Парадак афармлення рэферата



1. Рэферат павiнен мець наступную структуру: тытульны лiст, змест, уводзiны, актуальную частку, якая падзяляецца на главы, заключэнне, спiс лiтаратуры ў алфавiтным парадку, дадатак (пры неабходнасцi).

2. На тытульным лiсце ўказваецца назва ўстановы адукацыi: прозвiшча, iмя, iмя па бацьку аўтара, назва работы, месца знаходжання ўстановы адукацыi, год.

3. Змест рэферата ўключае назву структурных частак, глаў, раздзелаў i падраздзелаў з указаннем нумарацыi старонак арабскiмi лiчбамi.

4. Пры напiсаннi рэферата неабходна ўказваць спасылкi на крынiцы, матэрыялы (у дужках указваюцца нумар па спiсу лiтаратуры, нумар старонкi, адкуль узяты матэрыял). Спасылкi ў тэксце могуць быць таксама прыведзены ў выглядзе падрадковых заўваг, нумарацыя якiх праводзiцца на кожнай старонцы (пачынаючы з адзiнкi) у адпаведнасцi з правiламi бiблiяграфiчнага апiсання.

5. Неабходна прытрымлiвацца наступнага аб'ёму рэферата (першыя лiчбы - пры камп'ютэрным наборы, другiя - пры напiсаннi ад рукi):

     экзаменацыйны рэферат       - 16 - 18 (18 - 20) старонак;
     навучальны рэферат
       дзесяты год навучання     - 8 - 10 (10 - 12) старонак;
       адзiнаццаты год навучання - 12 - 14 (14 - 15) старонак;
       дванаццаты год навучання  - 15 - 17 (17 - 19) старонак.

Пры камп'ютэрным наборы трэба выкарыстоўваць шрыфт 15 пт, iнтэрвал - 1,5.

6. Узор афармлення рэферата:



                      Назва ўстановы адукацыi


                          Назва рэферата


                                    Выканаў(ла) вучань(ца) ___ класа
                                    Прозвiшча, iмя, iмя па бацьку


             Месца знаходжання ўстановы адукацыi, год


Парадак вядзення i афармлення дзённiка школьнiкам



У агульнаадукацыйных школах рэспублiкi выкарыстоўваюцца дзённiкi адзiнага ўзору, рэкамендаваныя Мiнiстэрствам адукацыi.

Усе запiсы ў дзённiках школьнiка павiнны весцiся з захаваннем наступных патрабаванняў:

1. Запаўняць дзённiк на той мове, на якой ажыццяўляецца навучальна-выхаваўчы працэс у школе.

2. Пiсаць акуратна, граматна, разборлiвым почыркам, карыстацца шарыкавай ручкай фiялетавага або сiняга колеру (па рашэннi адмiнiстрацыi школы). Непажадана выкарыстанне каляровых алоўкаў, фламастэраў, уклеек i аплiкацый.

3. У пачатку навучальнага года запаўняць тытульны лiст, указваючы прозвiшча i iмя ў родным склоне, запiсваць расклад урокаў.

4. Назвы прадметаў, дамашнiя заданнi запiсваць з вялiкай лiтары, назвы месяцаў - з малой.

5. Выстаўляючы адзнаку ў класны журнал, настаўнiк адначасова павiнен выстаўляць яе ў дзённiк школьнiка i завяраць подпiсам.

6. Класны кiраўнiк павiнен сачыць за правiльнасцю запiсаў у дзённiку, у канцы кожнага тыдня адзначаць колькасць прапушчаных урокаў, рабiць заўвагi пра паводзiны вучняў.

7. Бацькi або асобы, якiя ix замяняюць, павiнны сiстэматычна праглядаць i ў канцы кожнага тыдня падпiсваць дзённiк.



Парадак праверкi пiсьмовых работ настаўнiкам



1. У першы - другi гады навучання настаўнiк правярае выкананне ўсiх пiсьмовых работ у сшытках (у тым лiку i на друкаванай аснове) пасля кожнага ўрока.

Усе памылкi настаўнiкам выпраўляюцца, адзнакi ў балах не выстаўляюцца.

Пачынаючы з другога года навучання вучнi рэгулярна выконваюць работу над памылкамi ў тых жа сшытках, у якiх выконвалася адпаведная пiсьмовая работа.

Узор выканання работы над памылкамi дае настаўнiк.

2. У трэцi - чацвёрты гады навучання сшыткi вучняў, у якiх выконваюцца навучальныя класныя i дамашнiя работы па беларускай, рускай, замежнай мовах, родных мовах нацыянальных супольнасцей, матэматыцы, правяраюцца пасля кожнага ўрока ва ўсiх вучняў з выставленнем адзнак.

3. У трэцi - чацвёрты гады навучання работы ў сшытках-слоўнiках па замежнай мове правяраюцца адзiн раз у два тыднi.

4. Калi па меркаваннi настаўнiка ў пачатковай школе вучнi вядуць па курсах "Чалавек i свет", "Мая Радзiма - Беларусь", лiтаратурным чытаннi сшыткi, яны правяраюцца не менш за два разы ў навучальную чвэрць. Памылкi выпраўляюцца.

5. Кантрольныя i праверачныя работы, дыктанты, навучальныя пераказы i сачыненнi ў другi - чацвёрты гады навучання правяраюцца i раздаюцца вучням на наступным уроку па гэтым прадмеце з абавязковым правядзеннем работы над памылкамi.

6. У пяты - восьмы гады навучання навучальныя класныя i дамашнiя работы па беларускай, рускай, родных мовах нацыянальных супольнасцей i матэматыцы правяраюцца выбарачна, адзiн раз на тыдзень ва ўсiх вучняў, а ў дзевяты - дзесяты гады навучання - адзiн раз у два тыднi, у адзiнаццаты - дванаццаты гады навучання - адзiн раз у месяц.

Па замежных мовах у пяты - сёмы гады навучання (калi навучанне замежнай мове пачынаецца з пятага года навучання), а ў школах з паглыбленым i павышаным вывучэннем замежнай мовы ў трэцi - шосты гады навучання сшыткi правяраюцца пасля кожнага ўрока; у астатнiх класах правяраюцца найбольш значныя работы, але з такiм разлiкам, каб адзiн раз у два тыднi правяралiся сшыткi ўсiх вучняў; работы ў сшытках-слоўнiках па замежных мовах правяраюцца ў трэцi - сёмы гады навучання адзiн раз у два тыднi, у восьмы - дзесяты гады навучання - адзiн раз у чатыры тыднi, у адзiнаццаты - дванаццаты гады навучання - адзiн раз у чвэрць.

Сшыткi па лiтаратурах, айчыннай i сусветнай мастацкай культуры, гiсторыi Беларусi, сусветнай гiсторыi, курсу "Чалавек. Грамадства. Дзяржава", геаграфii, фiзiцы, бiялогii, хiмii, iнфарматыцы, тэхналогii i па iншых прадметах правяраюцца ва ўсix класах выбарачна, аднак сшытак кожнага вучня павiнен правярацца не менш за два разы ў навучальную чвэрць.

Адзнакi за вядзенне сшыткаў, сшыткаў-слоўнiкаў выстаўляюцца ў журнал па меркаваннi настаўнiка.

Кантрольныя, лабараторныя, практычныя, творчыя работы па ўсiх прадметах правяраюцца ў кожнага вучня.

7. Праверка кантрольных работ настаўнiкам праводзiцца ў наступныя тэрмiны:

кантрольныя работы па ўсiх прадметах у другi - дзесяты гады навучання правяраюцца i вяртаюцца вучням да наступнага ўрока;

у адзiнаццаты - дванаццаты гады навучання пры вялiкай колькасцi работ - праз адзiн - два ўрокi; пераказы, сачыненнi i iншыя творчыя работы па мовах i лiтаратурах у пяты - дзевяты гады навучання вяртаюцца вучням не пазней чым праз тыдзень, а ў дзесяты - дванаццаты гады навучання правяраюцца не больш чым 10 дзён.

8. У работах, якiя правяраюцца, настаўнiк адзначае i выпраўляе дапушчаныя вучнямi памылкi наступным чынам:

у пачатковай школе:

няправiльна напiсаную лiтару або пунктуацыйны знак закрэслiвае наўскос i адзначае на палях: | - арфаграфiчная; V - пунктуацыйная; памылкi на правiлы, якiя яшчэ не вывучалiся, настаўнiк выпраўляе, але на палях не адзначае;

частку слова, сказ - тонкай гарызантальнай лiнiяй;

лiчбы - тонкай гарызантальнай лiнiяй або наўскос.

Замест закрэсленага запiсваюць уверсе патрэбныя лiтары, словы, сказы, лiчбы. Няправiльнае напiсанне ў дужкi не заключаецца;

у творчых работах (пераказы, сачыненнi) памылкi ў змесце i моўныя падкрэслiваюцца ў тэксце хвалiстай лiнiяй, адзначаюцца ўмоўнымi знакамi на палях: | - арфаграфiчная; V - пунктуацыйная; З - памылка ў змесце; М - моўная памылка;

за творчую работу (пераказ, сачыненне) выстаўляюцца дзве адзнакi: адна - за змест, другая - за пiсьменнасць;

у сярэдняй школе:

пры праверцы навучальных i кантрольных работ па рускай, беларускай мовах, мовах нацыянальных супольнасцей, матэматыцы, курсу "Чалавек i свет", iнфарматыцы, бiялогii, астраномii, фiзiцы, хiмii настаўнiк падкрэслiвае памылку i пры неабходнасцi надпiсвае зверху правiльны варыянт;

пры праверцы работ па замежных мовах настаўнiк выпраўляе памылкi, надпiсваючы зверху правiльны варыянт слова, выразу i г.д.;

у работах вучняў з нiзкiм узроўнем вучэбных дасягненняў настаўнiк выпраўляе ўсе памылкi;

пры праверцы работ па мовах настаўнiк на палях абазначае памылкi наступнымi ўмоўнымi знакамi: | - арфаграфiчная, V - пунктуацыйная, Г - граматычная, З - памылка ў змесце, М - моўная памылка, А - аднатыпная, Н - нягрубая; 1(Н), У(Н);

у экзаменацыйных работах падкрэслiваюцца ўсе памылкi, а над арфаграфiчнымi, пунктуацыйнымi i граматычнымi надпiсваецца правiльны варыянт;

падкрэслiванне i выпраўленне памылак ажыццяўляюцца толькi ручкай з чырвоным стрыжнем;

праверыўшы дыктоўку, пераклад, водгук, пераказ цi сачыненне вучняў ў пяты - дванаццаты гады навучання, настаўнiк падкрэслiвае, назначае на палях i запiсвае колькасць памылак; у дыктоўках дробам указваецца колькасць арфаграфiчных памылак (лiчнiк) i пунктуацыйных (назоўнiк); у творчых работах па мовах, якiя разлiчаны на цэлы ўрок, дробам запiсваюцца колькасць памылак у змесце i колькасць моўных недахопаў (лiчнiк), а ў назоўнiку ўказваецца колькасць арфаграфiчных, пунктуацыйных i граматычных памылак.

Узор:



             З - М             2 - 2
          -----------       -----------
           | - V - Г         2 - 2 - 1


9. Усе кантрольныя работы абавязкова ацэньваюцца настаўнiкам з унясеннем адзнак у класны журнал. Самастойныя навучальныя пiсьмовыя работы таксама ацэньваюцца. Адзнакi ў журнал за гэтыя работы могуць быць выстаўлены па рашэннi настаўнiка i павiнны насiць заахвочвальны характар.

10. Па ўсiх астатнiх прадметах пытанне аб мэтазгоднасцi выстаўлення адзнак за правераныя работы ў журнал вырашаецца настаўнiкам.

11. Пры ацэньваннi пiсьмовых работ вучняў настаўнiкi кiруюцца Нормамi ацэнкi вынiкаў вучэбнай дзейнасцi вучняў ва ўстановах, якiя забяспечваюць атрыманне агульнай сярэдняй адукацыi, па навучальных курсах i прадметах у пачатковай i сярэдняй школе.

12. Работа над памылкамi ў пяты - дванаццаты гады навучання ў абавязковым парадку праводзiцца пасля праверкi кантрольных работ у тых самых сшытках. Пасля правядзення iншых пiсьмовых работ работа над памылкамi праводзiцца пры неабходнасцi па рашэннi настаўнiка. Адзнака за работу над памылкамi выстаўляецца па меркаваннi настаўнiка з улiкам яе значнасцi i аб'ёму.

13. Па замежных мовах работа над памылкамi вучнямi не праводзiцца, адзнакi за вядзенне сшыткаў, сшыткаў-слоўнiкаў у журнал не выстаўляюцца.



Патрабаваннi да афармлення класных журналаў



1. Класны журнал з'яўляецца дзяржаўным дакументам i ў абавязковым парадку запаўняецца кожным настаўнiкам i класным кiраўнiком акуратна, разборлiвым почыркам, чарнiлам або пастай сiняга цi фiялетавага колеру (па меркаваннi адмiнiстрацыi школы) у адпаведнасцi з указаннямi аб вядзеннi класнага журнала для IV - XI класаў базавых i сярэднiх школ i вядзеннi класнага журнала для пачатковых класаў.

2. Класныя журналы запаўняюцца на той мове, на якой вядзецца выкладанне прадметаў у школе (у школах з беларускай мовай навучання - на беларускай, у школах з рускай мовай навучання - на рускай, у школах з дзвюма мовамi навучання - у залежнасцi ад мовы выкладання ў класах). Выключэнне складаюць такiя прадметы, як руская мова i лiтаратура, беларуская мова i лiтаратура, адведзеныя для якiх старонкi журнала запаўняюцца на той мове, на якой вядзецца выкладанне, а таксама прадметы, якiя ва ўсiх тыпах школ павiнны выкладацца на беларускай мове (гiсторыя Беларусi, геаграфiя Беларусi, курс "Мая Радзiма - Беларусь"), а старонка журнала запаўняцца толькi на беларускай мове.

3. Настаўнiк правярае i ацэньвае веды вучняў, выстаўляе ў журнал адзнакi ў балах. На левай старонцы ён запiсвае дату ўрока, адзначае лiтарай "н" вучняў, якiя адсутнiчаюць на ўроку, на правай - запiсвае тэму, што вывучалася на ўроку, i дамашняе заданне. Кожная новая тэма запiсваецца з вялiкай лiтары, дамашняе заданне - з малой.

4. Адзнакi за пiсьмовыя работы выстаўляюцца ў графе таго дня, калi яны праводзiлiся. Калi праводзяцца здвоеныя ўрокi па адной тэме, гэта фiксуецца на абедзвюх старонках журнала з указаннем даты двойчы.

5. Адзнакi за кожную вучэбную чвэрць (трыместр) выстаўляюцца настаўнiкам пасля запiсу даты апошняга ўрока без пропуску клетак, першы ўрок наступнай чвэрцi (трыместра) таксама запiсваецца без пропуску клетак.

6. У графе "Дамашняе заданне" запiсваюцца змест задання i характар яго выканання (чытаць, расказваць на памяць i iнш.), старонкi, нумары задач i практыкаванняў, практычныя работы. Калi вучням даецца заданне на паўтарэнне, то характар задання канкрэтна ўказваецца ў журнале. Па тых прадметах, па якiх не прадугледжана абавязковае дамашняе заданне (музыка, выяўленчае мастацтва i iнш.), запiс у графе "Дамашняе заданне" не праводзiцца.

7. Пры напiсаннi сачынення па беларускай (рускай) лiтаратуры ў X - XII класах выстаўляюцца 2 адзнакi: першая - па лiтаратуры, другая - па мове. Калi на напiсанне сачынення адводзяцца 2 урокi лiтаратуры, абодва ўрокi запiсваюцца на старонцы, адведзенай на гэты прадмет. Адзнака па мове выстаўляецца без указання даты, запiс "Сачыненне па лiтаратуры" на правай старонцы журнала таксама робiцца без указання даты. Калi ж на напiсанне сачынення выкарыстоўваецце адзiн урок мовы i адзiн урок лiтаратуры, то запiс i выстаўленне адзнак робяцца адпаведна на абедзвюх старонках журнала з указаннем даты на кожнай.

8. Адзнака за чытанне твораў на памяць, прадугледжаных у праграмах па беларускай i рускай лiтаратурах, можа выстаўляцца ў адну графу з указаннем даты правядзення адпаведнага ўрока пасля запiсу на папярэднiм уроку "вывучыць на памяць" або на любы з урокаў па вывучэннi творчасцi паэта.

9. Адзнака за праверку тэхнiкi чытання (V - VIII класы) выстаўляецца з указаннем даты ў адну графу, калi на гэты вiд дзейнасцi настаўнiкам адводзiцца цэлы ўрок.

10. У выпадку няправiльнага выстаўлення адзнакi выпраўленне праводзiцца наступным чынам: няправiльна пастаўленая адзнака ў клетачцы закрэслiваецца, побач выстаўляецца правiльная адзнака, унiзе старонкi робiцца запiс: "Адзнака вучню (указваецца прозвiшча) выпраўлена з (указанне адзнакi) на (указанне адзнакi)", далей ставiцца подпiс настаўнiка.









Страницы: | Стр.1 | Стр.2




< Главная страница

Новости законодательства

Новости Спецпроекта "Тюрьма"

Новости сайта
Новости Беларуси

Полезные ресурсы

Счетчики
Rambler's Top100
TopList