ПОИСК ДОКУМЕНТОВ

"Пагадненне памiж Урадам Рэспублiкi Беларусь i Урадам Грэчаскай Рэспублiкi аб эканамiчным i навукова-тэхнiчным супрацоўнiцтве"

Текст документа с изменениями и дополнениями по состоянию на ноябрь 2013 года

< Главная страница

Зарегистрировано в НРПА РБ 27 декабря 2011 г. N 3/2764

Уступiла ў сiлу 3 верасня 2011 года

Урад Рэспублiкi Беларусь i Урад Грэчаскай Рэспублiкi, у далейшым - Дагаворныя Бакi,

жадаючы садзейнiчаць развiццю эканамiчнага i навукова-тэхнiчнага супрацоўнiцтва памiж iмi ў галiнах, што ўяўляюць узаемны iнтарэс, на аснове роўнасцi i ўзаемнай выгады,

прызнаючы важнасць доўгатэрмiновых мер для паспяховага развiцця супрацоўнiцтва i ўмацавання сувязяў памiж iмi на розных узроўнях, i асаблiва на ўзроўнi суб'ектаў гаспадарання,

дамовiлiся аб нiжэйпададзеным:

Артыкул 1

1. Дагаворныя Бакi ў рамках заканадаўства сваiх дзяржаў i з улiкам прынятых мiжнародных абавязацельстваў, а таксама пагадненняў памiж Рэспублiкай Беларусь i Еўрапейскай супольнасцю будуць усяляк садзейнiчаць развiццю i ўмацаванню эканамiчнага i навукова-тэхнiчнага супрацоўнiцтва на магчыма шырэйшай аснове ва ўсiх сферах, што ўяўляюць узаемны iнтарэс.

Пры выкананнi гэтага Пагаднення Рэспублiка Беларусь будзе выконваць абавязацельствы, якiя вынiкаюць з яе ўдзелу ў рэгiянальных iнтэграцыйных пагадненнях.

Пры выкананнi гэтага Пагаднення Грэчаская Рэспублiка будзе выконваць абавязацельствы, якiя вынiкаюць з яе членства ў Еўрапейскай супольнасцi.

2. Супрацоўнiцтва, прадугледжанае пунктам 1 гэтага артыкула, будзе накiравана, у прыватнасцi, на:

умацаванне i пашырэнне эканамiчных сувязяў памiж Дагаворнымi Бакамi;

адкрыццё новых рынкаў;

заахвочванне супрацоўнiцтва памiж суб'ектамi гаспадарання адпаведных дзяржаў;

умацаванне навуковых сувязяў памiж навукоўцамi i пашырэнне галiн для сумесных навуковых даследаванняў.

Артыкул 2

1. Супрацоўнiцтва, аб якiм вядзецца гаворка ў артыкуле 1 гэтага Пагаднення, будзе распаўсюджвацца, у прыватнасцi, на:

прамысловасць;

суднабудаванне i вытворчасць па рамонту суднаў;

сельскую гаспадарку, уключаючы аграпрамысловы сектар;

будаўнiцтва i жыллёвае будаўнiцтва;

транспарт, уключаючы марскi транспарт;

банкаўскiя, страхавыя i iншыя паслугi;

турызм;

iншую дзейнасць у сферы паслуг, якая ўяўляе ўзаемны iнтарэс;

навуковыя даследаваннi ў галiне прыкладных i фундаментальных навук;

прафесiйную падрыхтоўку i навучанне кiраўнiцкiх кадраў;

павышэнне квалiфiкацыi навукоўцаў i спецыялiстаў.

2. Дагаворныя Бакi будуць праводзiць кансультацыi для вызначэння прыярытэтных напрамкаў iх супрацоўнiцтва, а таксама для вызначэння новых галiн эканамiчнага i навукова-тэхнiчнага супрацоўнiцтва.

Артыкул 3

1. Эканамiчнае супрацоўнiцтва, якое прадугледжана гэтым Пагадненнем, будзе ажыццяўляцца, галоўным чынам, на аснове пагадненняў i кантрактаў памiж прадпрыемствамi, арганiзацыямi i фiрмамi Дагаворных Бакоў у адпаведнасцi з заканадаўствам дзяржавы кожнага Дагаворнага Боку.

2. Дагаворныя Бакi прымуць меры для развiцця супрацоўнiцтва шляхам стварэння спрыяльных умоў, у прыватнасцi, праз:

стварэнне спрыяльнага iнвестыцыйнага клiмату;

абмен камерцыйнай i эканамiчнай iнфармацыяй;

абмен i кантакты памiж суб'ектамi гаспадарання iх дзяржаў;

правядзенне выстаў, ярмарак, сiмпозiумаў i iншых падобных мерапрыемстваў;

развiццё гандлю.

Артыкул 4

1. Дагаворныя Бакi будуць ствараць спрыяльныя ўмовы для развiцця навукова-тэхнiчнага супрацоўнiцтва памiж iмi, у тым лiку памiж iх адпаведнымi ўстановамi, арганiзацыямi або фiрмамi, на аснове прыярытэтаў нацыянальнай палiтыкi i ў адпаведнасцi з заканадаўствам сваiх дзяржаў.

2. Супрацоўнiцтва, якое прадугледжана пунктам 1 гэтага Артыкула, можа ажыццяўляцца, у прыватнасцi, праз:

распрацоўку сумесных навукова-даследчых праграм;

арганiзацыю вiзiтаў i вучэбных паездак для дэлегацый па адпаведных профiлях;

распрацоўку вучэбных праграм у галiнах, што ўяўляюць узаемны iнтарэс;

правядзенне тэхнiчных i навуковых экспертыз;

правядзенне навуковых стажыровак i навуковай працы ў рамках абмену навукоўцамi;

правядзенне сiмпозiумаў i сустрэч.

Артыкул 5

1. Для забеспячэння рэалiзацыi гэтага Пагаднення будзе створана Беларуска-Грэчаская сумесная мiжурадавая камiсiя па эканамiчным i навукова-тэхнiчным супрацоўнiцтве (у далейшым - Сумесная камiсiя).

2. Сумесная камiсiя будзе складацца з прадстаўнiкоў Дагаворных Бакоў i будзе збiрацца па просьбе любога з Дагаворных Бакоў. Месца i час пасяджэння Сумеснай камiсii будуць узгадняцца па дыпламатычных каналах.

3. Сумесная камiсiя будзе сачыць за ходам выканання гэтага Пагаднення i пры неабходнасцi выпрацоўваць рэкамендацыi па яго рэалiзацыi.

4. Сумесная камiсiя распрацуе рэгламент сваёй працы.

Артыкул 6

1. Гэта Пагадненне ўступiць у сiлу праз трыццаць дзён з даты апошняга з паведамленняў, праз якiя кожны Дагаворны Бок паведамiць другому ў пiсьмовай форме па дыпламатычных каналах аб выкананнi ўнутрыдзяржаўных працэдур, неабходных для яго ўступлення ў сiлу. Пагадненне будзе заставацца ў сiле на працягу пяцi гадоў.

2. Калi не пазней чым за шэсць месяцаў да заканчэння тэрмiну дзеяння гэтага Пагаднення нi адзiн з Дагаворных Бакоў не паведамiць аб спыненнi яго дзеяння, Пагадненне будзе заставацца ў сiле на працягу наступных аднагадовых перыядаў да заканчэння кожнага тэрмiну дзеяння.

3. Пагадненнi i кантракты, якiя заключаны памiж суб'ектамi гаспадарання Дагаворных Бакоу на аснове гэтага Пагаднення, будуць заставацца ў сiле на працягу наступнага пяцiгадовага перыяду з даты спынення дзеяння Пагаднення.

Здзейснена ў горадзе Мiнску 5 сакавiка 2009 года ў двух экзэмплярах, кожны на беларускай, грэчаскай i англiйскай мовах, прычым усе тэксты маюць аднолькавую сiлу. У выпадку рознагалоссяў перавагу будзе мець тэкст на англiйскай мове.

За Урад                                                За Урад
Рэспублiкi Беларусь                                    Грэчаскай Рэспублiкi
       Подпiс                                                 Подпiс

Архів документів Папярэдні | Наступны