Решение Минского городского исполнительного комитета от 13.05.1993 № 263 "Аб перакладзе i ўстаноўцы шыльдаў устаноў, арганiзацый, прадпрыемстваў, фiрмаў i iншых iнфармацыйных надпiсаў на беларускай мове"

Зарегистрировано в НРПА РБ 28 сентября 2001 г. N 9/1222

У мэтах выканання Закона Рэспублiкi Беларусь "Аб мовах у Рэспублiцы Беларусь" i надання статусу дзяржаўнасцi беларускай мове Мiнскi гарадскi выканаўчы камiтэт народных дэпутатаў ВЫРАШЫЎ:

1. Перакласцi на беларускую мову ўсе шыльды ўстаноў, арганiзацый, прадпрыемстваў, фiрмаў i iншыя iнфармацыйныя надпiсы ў г.Мiнску i ўстанавiць iх да 1 снежня 1993 г.

1.1. У цэнтральнай частцы горада (пр.Францiшка Скарыны, пр.Машэрава, вулiцы Нямiга, М.Багдановiча, Рэвалюцыйная, К.Маркса, Кiрава, Ф.Энгельса, Ленiна, Урыцкага, Свярдлова, Валадарскага, Я.Купалы, Iнтэрнацыянальная, Ульянаўская, Бабруйская, Ленiнградская, плошчы Незалежнасцi i Прывакзальная) замену вышэйназваных шыльдаў i надпiсаў зрабiць да 1 верасня 1993 г.

2. У далейшым выконваць шыльды ўстаноў, арганiзацый, прадпрыемстваў i iншыя iнфармацыйныя надпiсы толькi на беларускай мове.

2.1. Устаноўку шыльдаў з надпiсамi на iншых мовах, у парадку выключэння, рабiць толькi з дазволу Мiнгарвыканкама.

3. Надрукаваць дадзенае рашэнне ў гарадскiх газетах "Добры вечар", "Вячэрнi Мiнск".

4. Кантроль за выкананнем дадзенага рашэння ўскласцi на члена Мiнгарвыканкама, начальнiка ўпраўлення "Мiнскгалоўархiтэктура" Лiневiча Я.Л., упраўленне культуры Мiнгарвыканкама (Пятровiч А.Я.).

Старшыня гарсавета А.М.ГЕРАСIМЕНКА

Кiраўнiк спраў Л.М.ВАЛОДЗЬКIНА