ПАГАДНЕННЕ
ПАМIЖ УРАДАМ РЭСПУБЛIКI БЕЛАРУСЬ i УРАДАМ УКРАIНЫ
АБ СУПРАЦОЎНIЦТВЕ Ў ГАЛIНЕ АХОВЫ НАВАКОЛЬНАГА АСЯРОДДЗЯ *)
_____________________________
*) Уступiла ў сiлу 16 снежня 1994 г.
Урад Рэспублiкi Беларусь i Урад Украiны, якiя далей называюцца
"Бакi",
прымаючы пад увагу вопыт, назапашаны ў галiне мiжнароднага
прыродаахоўнага супрацоўнiцтва, а таксама Сусветную хартыю прыроды
1982 года, Дэкларацыю Рыа, Павестку дня на XXI стагоддзе, прынятыя
Канферэнцыяй ААН па навакольнаму асяроддзю i развiццю ў 1992 годзе;
улiчваючы цэласнасць i непадзельнасць навакольнага асяроддзя;
глабальны характар экалагiчных праблем;
прызнаючы, што кожны чалавек мае права на жыццё ў найбольш
спрыяльных экалагiчных умовах i кожная дзяржава абавязана
забяспечыць гэта права ўсiм сваiм грамадзянам;
вызначаючы гатоўнасць да ўдзелу ў мiжнародным супрацоўнiцтве ў
галiне аховы навакольнага асяроддзя;
кiруючыся нацыянальным заканадаўствам абедзвюх дзяржаў i
агульнапрызнанымi мiжнароднымi нормамi;
усведамляючы ўзаемасувязь памiж рознымi вiдамi эканамiчнай
дзейнасцi i iх экалагiчнымi вынiкамi;
пацвярджаючы неабходнасць забеспячэння экалагiчна
абгрунтаванага i ўстойлiвага развiцця;
засноўваючыся на прынцыпе дзяржаўнай суверэннасцi,
ДАМОВIЛIСЯ АБ НАСТУПНЫМ:
Артыкул 1
Бакi будуць развiваць i расшыраць узаемнае супрацоўнiцтва ў
галiне аховы навакольнага асяроддзя на карысць сваiх народаў, будуць
садзейнiчаць далейшаму паглыбленню эканамiчных i навукова-тэхнiчных
сувязяў з мэтай рашэння сумеснымi намаганнямi глабальных i
рэгiянальных праблем.
Артыкул 2
Супрацоўнiцтва памiж Бакамi ажыццяўляецца па такiм асноўным
напрамкам:
ахова атмасфернага паветра ад забруджвання, знiжэнне выкiдаў
шкодных рэчываў у атмасферу;
ахова водаў ад забруджвання, асаблiва басейнаў рэк Дняпра i
Буга;
узнаўленне лесасыравiнных рэсурсаў i ахова ляснога фонду;
правядзенне сумеснай экалагiчнай экспертызы праектаў
гаспадарчай дзейнасцi ў прыгранiчных раёнах;
прававыя i эканамiчныя аспекты прыродакарыстання;
вывучэнне бiялагiчных i генетычных вынiкаў забруджвання
навакольнага асяроддзя ў вынiку антрапагеннага ўздзеяння;
ахова флоры i фауны, развiццё супрацоўнiцтва памiж
нацыянальнымi паркамi;
ахова навакольнага асяроддзя ў працэсе вытворчасцi i
перапрацоўкi сельскагаспадарчай прадукцыi;
перапрацоўка, абясшкоджванне i ўтылiзацыя прамысловых i бытавых
адыходаў;
кантроль за трансгранiчнымi перавозкамi таксiчных адыходаў;
узаемнае аператыўнае iнфармаванне аб выпадках, ствараючых
пагрозу значнага забруджвання навакольнага асяроддзя аднаго з Бакоў
i прагнозаў яго распаўсюджвання;
аказанне ўзаемнай дапамогi па лiквiдаванню вынiкаў прамысловых
аварый або стыхiйных бедстваў, якiя вызываюць забруджванне
навакольнага асяроддзя;
распрацоўка малаадыходных i безадыходных тэхналогiй i
экалагiчна бясшкодных матэрыялаў, абсталявання, механiзмаў i
транспартных сродкаў з сiстэмамi, знiжаючымi забружджванне;
абмен прыродаахоўнай iнфармацыяй;
экалагiчная адукацыя i выхаванне.
Асноўныя напрамкi супрацоўнiцтва могуць змяняцца i дапаўняцца
па ўзаемнаму ўзгадненню Бакоў.
Артыкул 3
Супрацоўнiцтва ў галiне аховы навакольнага асяроддзя
ажыццяўляецца на падставе дасягнутых дамоўленасцей памiж Бакамi ў
наступных формах:
абмен навукоўцамi, спецыялiстамi, дэлегацыямi ў навуковых,
навучальных i практычных мэтах;
правядзенне двухбаковых канферэнцый, нарад экспертаў,
сiмпозiумаў;
ажыццяўленне сумесных праграм i праектаў;
правядзенне сумесных iнспектаванняў стана навакольнага
асяроддзя прыгранiчных тэрыторый;
прадастаўленне персанала, абсталявання i матэрыялаў для
аказання дапамогi па лiквiдацыi вынiкаў прамысловых аварый або
стыхiйных бедстваў, выклiкаючых забруджванне навакольнага асяроддзя.
Iншыя формы супрацоўнiцтва могуць у далейшым узгадняцца Бакамi.
Артыкул 4
Бакi неадкладна i поўна iнфармуюць адзiн аднаго аб прамысловых
аварыях, стыхiйных бедствах i iншых небяспечных сiтуацыях на сваёй
тэрыторыi, ствараючых пагрозу забруджвання навакольнага асяроддзя, а
таксама аказваюць неабходную дапамогу па лiквiдацыi iх вынiкаў.
Пакрыццё страт, нанесеных трансгранiчнымi ўздзеяннямi, павiнна
рэгулявацца грамадзянскiм заканадаўствам Бакоў.
Артыкул 5
Бакi, зыходзячы з мэтаў сапраўднага Пагаднення, садзейнiчаюць
устанаўленню i развiццю прамых сувязяў i непасрэдных кантактаў памiж
установамi, арганiзацыямi i прадпрыемствамi абедзвюх дзяржаў, якiя
займаюцца пытаннямi аховы навакольнага асяроддзя.
Артыкул 6
Бакi не нясуць матэрыяльнай адказнасцi па абавязацельствах
устаноў-супрацоўнiц, прынятых у адпаведнасцi з дагаворамi,
заключанымi на падставе сапраўднага Пагаднення.
Артыкул 7
Бакi ўскладняюць каардынацыю выканання сапраўднага Пагаднення:
з Беларускага Боку - на Мiнiстэрства прыродных рэсурсаў i аховы
навакольнага асяроддзя Рэспублiкi Беларусь;
з Украiнскага Боку - на Мiнiстэрства аховы навакольнага
прыроднага асяроддзя Украiны;
Артыкул 8
Сапраўднае Пагадненне не закранае правоў i абавязацельстваў
Бакоў, выцякаючых з раней заключаных iмi мiжнародных пагадненняў.
Артыкул 9
Рознагалоссi, якiя могуць узнiкаць памiж Бакамi ў сувязi з
тлумачэннем або прымяненнем сапраўднага Пагаднення, вырашаюцца
шляхам перагавораў або iншым, прымальным для Бакоў спосабам.
Артыкул 10
Сапраўднае Пагадненне ўваходзiць у сiлу з моманту яго
падпiсання i застаецца дзеючым на наступны пяцiгадовы тэрмiн, калi
нi адзiн з Бакоў не паведамiць другому Боку, не пазней за шэсць
месяцаў да спынення адпаведнага тэрмiну, аб сваiм намеры не
працягваць яго дзеянне.
Зроблена ў г.Мiнску 16 снежня 1994 г. у двух экзэмплярах, кожны
на беларускай i ўкраiнскай мовах, прычым абодва тэксты маюць
аднолькавую сiлу.
За Урад Рэспублiкi Беларусь ______________ подпiс
За Урад Украiны ______________ подпiс
|
