РАШЭННЕ МІНСКАГА ГАРАДСКОГА САВЕТА ДЭПУТАТАЎ
22 снежня 2006 г. № 274
АБ ПРЫСВАЕННІ НАЗВАЎ ВУЛІЦЫ, СКВЕРАМ І МІКРАРАЁНАМ
Г. МІНСКА
У адпаведнасці з артыкулам 15 Закона Рэспублікі Беларусь ад 5
мая 1998 года «Об административно-территориальном делении и порядке
решения вопросов административно-территориального устройства
Республики Беларусь» Мінскі гарадскі Савет дэпутатаў ВЫРАШЫЎ:
1. Новай вуліцы № 4 у квартале малапавярховай забудовы ў раёне
Цнянскага водасховішча ў г. Мінску прысвоіць найменаванне Лучайская
і надалей называць яе «вуліца Лучайская (улица Лучайская)».
2. Безназоўнаму скверу на рагу вуліц Кісялёва і Старавіленскай
прысвоіць назву «Сцяпанаўскі сад» і надалей называць яго
«Сцяпанаўскі сад (Степановский сад)».
3. Безназоўнаму скверу на рагу праспекта Машэрава і вуліцы
Старажоўскай прысвоіць назву «Старажоўскі сквер» і надалей называць
яго «Старажоўскі сквер (Сторожевский сквер)».
4. Безназоўнаму скверу на рагу вуліц Варанянскага і Ляўкова
прысвоіць назву «сквер Сенажаны» (назва раёна ў ХІХ ст.) і надалей
называць яго «сквер Сенажаны (сквер Сеножаны)».
5. Безназоўнаму скверу ўздоўж Сляпянскай воднай сістэмы паміж
вуліцамі Судмаліса, Планёрнай, Партызанскім праспектам і завулкам
Клумава прысвоіць назву «Антонаўскі парк» і надалей называць яго
«Антонаўскі парк (Антоновский парк)».
6. Безназоўнаму скверу паміж вуліцамі Ленінградскай, Свярдлова
і Кірава прысвоіць назву «Міхайлаўскі сквер» і надалей называць яго
«Міхайлаўскі сквер (Михайловский сквер)».
7. Безназоўнаму парку паміж вуліцамі Прытыцкага, Глебкі і
Матусевіча прысвоіць назву парк Цівалі і надалей называць яго «парк
Цівалі (парк Тиволи)».
8. Безназоўнай пляцоўцы паміж вуліцай Чарвякова і
Старавіленскім трактам прысвоіць назву Пярэспенскі сквер і надалей
называць яе «Пярэспенскі сквер (Переспенский сквер)».
9. У мэтах эстэтызацыі гарадскога асяроддзя надаць гістарычныя
назвы наступным новым праектуемым мікрараёнам г. Мінска:
мікрараёну, які праектуецца ў межах праспекта Дзяржынскага,
МКАД і чыгункі Мінск-Брэст (будаўнічая назва - «мікрараён Дружба»),
прысвоіць назву мікрараён Брылевічы і надалей называць яго
«мікрараён Брылевічы (Брилевичи)»;
мікрараёну, які праектуецца ў раёне былога ваеннага гарадка за
Уруччам на праспекце Незалежнасці (будаўнічая назва - мікрараён
«Усходні»), прысвоіць назву мікрараён «Вялікі лес» і надалей
называць яго «мікрараён Вялікі лес (Великий лес)»;
мікрараёну, які праектуецца ў раёне праспекта Пераможцаў
(будаўнічая назва - мікрараён Лябяжы), прысвоіць назву мікрараён
Ржавец і надалей называць яго «мікрараён Ржавец (Ржавец)»;
мікрараёну, які праектуецца ў раёне паміж вуліцамі
Калеснікава, Матусевіча і праездам Масюкоўшчына (будаўнічая назва -
мікрараён Масюкоўшчына-3, 4, 5), прысвоіць назву мікрараён Дамброўка
і надалей называць яго «мікрараён Дамброўка (Домбровка)».
10. Даручыць камітэту архітэктуры і горадабудаўніцтва
Мінгарвыканкома пры падрыхтоўцы праектаў забудовы новых мікрараёнаў
і сквераў прысваенне іх назваў выносіць на разгляд камісіі па
найменаванні і перайменаванні праспектаў, вуліц, плошчаў і іншых
састаўных частак г. Мінска.
11. Кантроль за выкананнем дадзенага рашэння ўскласці на
намесніка старшыні Мінскага гарадскога Савета дэпутатаў
Чарнавусаву В.Р. і пастаянную камісію Мінскага гарадскога Савета
дэпутатаў па адукацыі, навуцы, культуры і спорту.
Старшыня У.М.Папкоўскі
|
