РАШЭННЕ МІНСКАГА ГАРАДСКОГА САВЕТА ДЭПУТАТАЎ
29 чэрвеня 2007 г. № 58
АБ ПРЫСВАЕННІ НАЗВАЎ НОВЫМ ВУЛІЦАМ Г. МІНСКА І
ПЕРАЙМЕНАВАННІ ВУЛІЦЫ СВАБОДЫ
У адпаведнасці з артыкулам 15 Закона Рэспублікі Беларусь ад 5
мая 1998 года «Об административно-территориальном делении и порядке
решения вопросов административно-территориального устройства
Республики Беларусь», праектамі плана забудовы мікрараёнаў Брылевічы-
1, 2, 3 (Дружба-1, 2, 3) у межах пр. Дзяржынскага-МКАД-чыгуначнай
дарогі-Лошыцкай воднай сістэмы і мікрараёнаў Дамброўка-3, 4, 5
(Масюкоўшчына-3, 4, 5) Мінскі гарадскі Савет дэпутатаў ВЫРАШЫЎ:
1. Праектуемай вуліцы № 2 на ўчастку ад пр. Дзяржынскага да
праектуемай вуліцы № 4 надаць імя беларускага паэта і фалькларыста
Яна Чачота і называць яе надалей «вуліца Яна Чачота».
2. Праектуемай вуліцы № 3 на ўчастку ад праектуемай вуліцы № 2
да вуліцы Сямашкі надаць назву Каралінская і надалей называць яе
«вуліца Каралінская».
3. Праектуемай вуліцы № 4 на ўчастку ад пр. Дзяржынскага да
вуліцы 4-е Кальцо надаць імя піяніста, кампазітара і мастака
Напалеона Орды і надалей называць яе «вуліца Напалеона Орды».
4. Праектуемай вуліцы № 5 на ўчастку ад пр. Дзяржынскага да
мікрараёна Брылевічы-2 надаць імя ўраджэнца Мінска, польскага
культурнага дзеяча Ежы Гедройца і надалей называць яе «вуліца Ежы
Гедройца».
5. Праектаванай вуліцы № 1 у мікрараёнах Дамброўка-3, 4, 5
(Масюкоўшчына-3, 4, 5) надаць імя беларускага акцёра, мастака,
тэатральнага дзеяча, аднаго з заснавальнікаў беларускага тэатра,
народнага артыста БССР Уладзіслава Галубка і надалей называць яе
«вуліца Уладзіслава Галубка».
6. Праектаванай вуліцы № 3 у мікрараёнах Дамброўка-3, 4, 5
(Масюкоўшчына-3, 4, 5) надаць імя беларускага гісторыка, грамадскага
дзеяча, першага прэзідэнта Акадэміі навук Беларусі Усевалада
Ігнатоўскага і надалей называць яе «вуліца Усевалада Ігнатоўскага».
7. Праектаванай вуліцы № 4 у мікрараёнах Дамброўка-3, 4, 5
(Масюкоўшчына-3, 4, 5) надаць імя беларускага паэта Алеся Гаруна і
надалей называць яе «вуліца Алеся Гаруна».
8. Праектаванай вуліцы № 5 у мікрараёнах Дамброўка-3, 4, 5
(Масюкоўшчына-3, 4, 5) надаць імя вядомых дзеячоў культуры і
мастацтва Беларусі сям’і Мікалая і Алены Аладавых і надалей называць
яе «вуліца Аладавых».
9. Вуліцу Свабоды ў мікрараёне Усход, якая мае аднолькавую
назву з плошчай Свабоды, перайменаваць у вуліцу імя курсанта
Дзмітрыя Гвішыані і надалей называць яе «вуліца курсанта Гвішыані».
Старшыня М.В.Матусевіч
|
