Право
Загрузить Adobe Flash Player
Навигация
Новые документы

Реклама

Законодательство России

Долой пост президента Беларуси

Ресурсы в тему
ПОИСК ДОКУМЕНТОВ

Постановления СМ РБ

Постановления других органов Республики Беларусь

Постановление Совета Министров Республики Беларусь от 06.01.2012 № 17 "Аб зацвярджэннi Дзяржаўнай праграмы "Замкi Беларусi" на 2012 - 2018 гады"

Текст документа с изменениями и дополнениями по состоянию на ноябрь 2013 года

< Главная страница

Зарегистрировано в НРПА РБ 11 января 2012 г. N 5/35092



Савет Мiнiстраў Рэспублiкi Беларусь ПАСТАНАЎЛЯЕ:

1. Зацвердзiць прыкладзеную Дзяржаўную праграму "Замкi Беларусi" на 2012 - 2018 гады (далей - Дзяржаўная праграма).

2. Вызначыць:

заказчыкамi Дзяржаўнай праграмы Мiнiстэрства культуры, аблвыканкамы i Мiнскi гарвыканкам;

заказчыкам - каардынатарам Дзяржаўнай праграмы Мiнiстэрства культуры.

3. Заказчыкi Дзяржаўнай праграмы ў межах сваёй кампетэнцыi:

ажыццяўляюць кантроль за выкананнем мерапрыемстваў Дзяржаўнай праграмы;

штогод да 10 лютага прадстаўляюць у Мiнiстэрства культуры справаздачы аб ходзе рэалiзацыi Дзяржаўнай праграмы.

4. Мiнiстэрства культуры штогод на аснове справаздач, прадстаўленых заказчыкамi Дзяржаўнай праграмы, да 25 лютага ўносiць у Савет Мiнiстраў Рэспублiкi Беларусь iнфармацыю аб ходзе выканання Дзяржаўнай праграмы.

5. Устанавiць, што фiнансаванне Дзяржаўнай праграмы ажыццяўляецца ў межах сродкаў, прадугледжаных на гэтыя мэты ў рэспублiканскiм i мясцовых бюджэтах, а таксама за кошт уласных сродкаў арганiзацый - выканаўцаў Дзяржаўнай праграмы i з iншых крынiц.

Мiнiстэрству фiнансаў, аблвыканкамам i Мiнскаму гарвыканкаму пры фармiраваннi рэспублiканскага i мясцовых бюджэтаў на чарговы фiнансавы год прадугледжваць ва ўстаноўленым парадку сродкi для фiнансавання мерапрыемстваў Дзяржаўнай праграмы з улiкам магчымасцей бюджэтаў.

6. Кантроль за выкананнем дадзенай пастановы ўскласцi на Намеснiка Прэм'ер-мiнiстра Рэспублiкi Беларусь, якi курыруе пытаннi сацыяльна-культурнай сферы.

7. Дадзеная пастанова ўступае ў сiлу пасля яе афiцыйнага апублiкавання.



Прэм'ер-мiнiстр Рэспублiкi Беларусь М.Мяснiковiч



                                                        ЗАЦВЕРДЖАНА
                                                        Пастанова
                                                        Савета Мiнiстраў
                                                        Рэспублiкi Беларусь
                                                        06.01.2012 N 17


ДЗЯРЖАЎНАЯ ПРАГРАМА "ЗАМКI БЕЛАРУСI" НА 2012 - 2018 ГАДЫ

ГЛАВА 1 АГУЛЬНЫЯ ПАЛАЖЭННI

Дзяржаўная праграма "Замкi Беларусi" на 2012 - 2018 гады (далей - Дзяржаўная праграма) распрацавана ў адпаведнасцi з даручэннем Прэзiдэнта Рэспублiкi Беларусь Лукашэнкi А.Р., якое было дадзена 16 снежня 2010 г. у час урачыстых мерапрыемстваў адкрыцця адрэстаўрыраванага замкавага комплексу ў г.п. Мiр, i ў мэтах рэалiзацыi мерапрыемстваў Праграмы дзейнасцi Урада Рэспублiкi Беларусь на 2011 - 2015 гады, зацверджанай пастановай Савета Мiнiстраў Рэспублiкi Беларусь ад 18 лютага 2011 г. N 216 (Национальный реестр правовых актов Республики Беларусь, 2011 г., N 29, 5/33370).

Дзяржаўная праграма падрыхтавана з улiкам палажэнняў законаў Рэспублiкi Беларусь ад 9 студзеня 2006 года "Аб ахове гiсторыка-культурнай спадчыны Рэспублiкi Беларусь" (Национальный реестр правовых актов Республики Беларусь, 2006 г., N 9, 2/1195) i ад 4 студзеня 2010 года "О местном управлении и самоуправлении в Республике Беларусь" (Национальный реестр правовых актов Республики Беларусь, 2010 г., N 17, 2/1660) i накiравана на вырашэнне пытанняў адраджэння i захавання гiсторыка-культурнай спадчыны Рэспублiкi Беларусь, развiццё турызму.

Заказчыкамi Дзяржаўнай праграмы з'яўляюцца Мiнiстэрства культуры, аблвыканкамы, Мiнскi гарвыканкам, заказчыкам-каардынатарам - Мiнiстэрства культуры.

Манiторынг Дзяржаўнай праграмы плануецца ажыццяўляць шляхам аналiзу дзяржаўнай статыстычнай справаздачнасцi.



ГЛАВА 2 ТЭХНIКА-ЭКАНАМIЧНАЕ АБГРУНТАВАННЕ ДЗЯРЖАЎНАЙ ПРАГРАМЫ

Згодна з матэрыяламi даследчыкаў старажытнай архiтэктуры на тэрыторыi Беларусi ў розныя часы iснавала не менш 150 замкаў, адметных сваёй гiсторыяй, архiтэктурнымi i ландшафтнымi асаблiвасцямi.

Замкi - гэта будынкi, комплекс будынкаў i збудаванняў, якiя адносяцца да помнiкаў абарончага дойлiдства, археалогii, гiсторыi, спалучаюць культурныя традыцыi i будаўнiчае майстэрства продкаў.

У выпадку знешняй агрэсii замкi, якiя ў мiрны час выконвалi ролю рэзiдэнцый, станавiлiся магутнымi фарпостамi, абараняючы ад ворагаў як навакольныя населеныя пункты, так i ў цэлым краiну. Да нашага часу захавалiся далёка не ўсе збудаваннi гэтага тыпу. Большасць замкаў пацярпела ў час жорсткай барацьбы з захопнiкамi. Iх рэшткi разбуралiся пад уздзеяннем прыродных фактараў. Асобныя замкi, якiя належалi беларускiм магнатам, былi адноўлены i выкарыстоўвалiся ў якасцi рэзiдэнцый.

Значныя страты, што спазналi помнiкi абарончага дойлiдства, вымушаюць з асаблiвай увагай ставiцца да ацалелых збудаванняў гэтага тыпу, iх рэшткаў i месцаў, дзе ў мiнулым яны iснавалi.

У Дзяржаўным спiсе гiсторыка-культурных каштоўнасцей Рэспублiкi Беларусь замкi розных перыядаў стварэння i ступенi захаванасцi прадстаўлены як помнiкi архiтэктуры (збудаваннi або iх рэшткi, якiя даюць уяўленне пра колiшняе архiтэктурнае аблiчча) i помнiкi археалогii (сведчаннi пра характар збудаванняў захавалiся ў культурным пласце).

Дзяржаўная праграма накiравана на каардынацыю плануемых мерапрыемстваў па захаванню, кансервацыi, рэстаўрацыi, прыстасаванню, выяўленню замкаў у iснуючай планiровачнай сiстэме населеных пунктаў.

Варта прызнаць, што на сённяшнi час большасць замкаў, фрагментаў i рэшткаў замкавых збудаванняў знаходзiцца ў нездавальняючым стане.

Дзяржаўнай праграмай прадугледжана правядзенне рэстаўрацыйна-аднаўленчых работ, прыстасавання i экспанавання 38 аб'ектаў.

Так, на 7 помнiках архiтэктуры, што найбольш захавалiся, з улiкам наяўных дакументальных сведчанняў пра iх архiтэктурна-мастацкiя асаблiвасцi выкананы, праводзяцца або плануюцца рэстаўрацыйна-аднаўленчыя работы i прыстасаванне да сучасных сацыяльна-культурных патрэб. Да такiх помнiкаў адносяцца Камянецкая вежа ў г. Камянцы, рэшткi былога палацавага комплексу (узнiк на месцы замка XVI стагоддзя) у г.п. Ружаны Пружанскага раёна, Стары замак у г. Гродне, замак у г. Лiдзе, замкавы комплекс у г.п. Мiр Карэлiцкага раёна, замак у г.п. Любча Навагрудскага раёна, палацава-паркавы ансамбль у г. Нясвiжы.

На 7 аб'ектах, якiя захавалiся часткова (замкi ў г. Навагрудку, вёсках Крэва Смаргонскага раёна, Гальшаны Ашмянскага раёна, Геранёны Iўеўскага раёна, Смаляны Аршанскага раёна, г. Быхаве, пас. Тэльман Брагiнскага раёна), плануецца правядзенне кансервацыi рэшткаў пабудоў у мэтах забеспячэння iх доўгатэрмiновага захавання i экспанавання ў iснуючым выглядзе. Прадугледжваецца магчымасць прыстасавання асобных збудаванняў у некаторых з гэтых аб'ектаў для размяшчэння музейнай экспазiцыi (замкi ў вёсках Крэва Смаргонскага раёна, Гальшаны Ашмянскага раёна, гарадах Быхаве i Навагрудку).

У культурным пласце захавалiся рэшткi 19 былых збудаванняў, што належаць да помнiкаў археалогii, у тым лiку рэшткi былога замка Вiшнявецкiх у в. Жабер Драгiчынскага раёна, рэшткi замка ў в. Крыўляны Жабiнкаўскага раёна, гарадзiшча на Замкавай гары ў г. Браславе, гарадзiшча ў г. Заслаўi, на якiм быў створаны бастыённы замак, гарадзiшча з селiшчам у г. Мядзелi, дзе ў XVII стагоддзi быў пабудаваны мураваны замак з фартыфiкацыяй бастыённага тыпу. З улiкам гiстарычнай значнасцi i археалагiчнай вартасцi гэтых аб'ектаў найбольш мэтазгодным з'яўляецца добраўпарадкаванне iх тэрыторый з выяўленнем месцазнаходжання замкавых пабудоў у сiстэме планiроўкi.

На 5 помнiках археалогii (гарадзiшчы ў г. Тураве, в. Мiлаград Рэчыцкага раёна, замак у г. Глуску, замчышчы ў в. Рыжкавiчы Шклоўскага раёна i г. Мiнску) плануецца правесцi работы па музеефiкацыi.

У мэтах рэалiзацыi Дзяржаўнай праграмы прадугледжаны шэраг мерапрыемстваў па захаванню гiсторыка-культурных каштоўнасцей.

Плануемыя дзеяннi ўлiчваюць своеасаблiвасць аблiчча гiстарычных аб'ектаў (сiлуэты замкаў, прыроднае асяроддзе, ландшафт), наяўнасць у кожным з iх характэрных рыс, сярод якiх - выразнасць агульнага сiлуэта, незвычайная тапаграфiя, асаблiвая маляўнiчасць ландшафту, мясцовыя мастацкiя i будаўнiчыя традыцыi.

Правядзенне работ будзе ажыццяўляцца на падставе распрацаванай навукова-праектнай дакументацыi, гiсторыка-археалагiчных апорных планаў, устанаўлення межаў гiстарычных тэрыторый, вызначэння рэгламентаў iх выкарыстання i падыходаў да рэстаўрацыi, рэканструкцыi i прыстасавання.



ГЛАВА 3 МЭТА I ЗАДАЧЫ ДЗЯРЖАЎНАЙ ПРАГРАМЫ

Мэтай Дзяржаўнай праграмы з'яўляецца стварэнне спрыяльных умоў для захавання, аднаўлення i рацыянальнага выкарыстання аб'ектаў гiсторыка-культурнай спадчыны, развiцця ўнутранага i ўязнога турызму.

Згодна з пастаўленай мэтай у рамках рэалiзацыi Дзяржаўнай праграмы мяркуецца рашэнне наступных задач:

правядзенне рэстаўрацыйных работ i кансервацыйных мерапрыемстваў на гiсторыка-культурных каштоўнасцях з аднаўленнем iх кампазiцыйнай структуры i гiстарычнай забудовы, прыстасаваннем да сучасных сацыяльна-культурных патрэб;

музеефiкацыя помнiкаў археалогii ў мэтах прыцягнення ўвагi грамадзян да пытанняў захавання гiсторыка-культурнай спадчыны;

вызначэнне межаў i рэгламентаў утрымання тэрыторый гiсторыка-культурных каштоўнасцей, стварэнне ўмоў для развiцця турызму.

Выкананне названых задач будзе вырашацца шляхам рэалiзацыi мерапрыемстваў Дзяржаўнай праграмы згодна з дадаткам 1.



ГЛАВА 4 АБГРУНТАВАННЕ НЕАБХОДНАСЦI ВЫКАРЫСТАННЯ IМПАРТНЫХ МАТЭРЫЯЛАЎ ПРЫ РЭАЛIЗАЦЫI МЕРАПРЫЕМСТВАЎ ДЗЯРЖАЎНАЙ ПРАГРАМЫ

Дзяржаўная праграма распрацавана з улiкам выкарыстання мiнiмальнай колькасцi iмпартных матэрыялаў. Праектна-каштарыснай дакументацыяй на рэстаўрацыю i рэканструкцыю замка ў г. Лiдзе прадугледжваецца выкарыстанне керамагранiту, якi ў Рэспублiцы Беларусь не вырабляецца, у колькасцi 1057 кв. метраў. Агульны кошт на ажыццяўленне закупкi дадзенага матэрыялу складае 528,5 млн. рублёў (у цэнах на 1 жнiўня 2011 г.). Сродкi на яго закупку прадугледжаны iншымi дзяржаўнымi праграмамi. Пры арганiзацыi ў Рэспублiцы Беларусь вытворчасцi новых вiдаў iмпартазамяшчальных матэрыялаў у ходзе рэалiзацыi Дзяржаўнай праграмы прадугледжваецца пераход на iх закупку ў мэтах знiжэння яе iмпартаёмiстасцi.

У рамках Дзяржаўнай праграмы не патрабуюцца дадатковыя сродкi на закупку iмпартных матэрыялаў.



ГЛАВА 5 ВЫНIКI, ЯКIЯ ЧАКАЮЦЦА АД РЭАЛIЗАЦЫI ДЗЯРЖАЎНАЙ ПРАГРАМЫ

Выкананне мерапрыемстваў Дзяржаўнай праграмы дасць магчымасць забяспечыць:

адраджэнне i захаванне культурнай i духоўнай спадчыны Рэспублiкi Беларусь;

умацаванне прэстыжу краiны ў мiжнароднай супольнасцi;

уключэнне гiсторыка-культурных каштоўнасцей, што належаць да абарончага дойлiдства, у сферу сучаснага культурнага i эканамiчнага жыцця;

стварэнне дадатковых рабочых месцаў з улiкам новага функцыянальнага прызначэння аб'ектаў гiсторыка-культурнай спадчыны, у тым лiку праз стварэнне прывабнай прыдарожнай iнфраструктуры турызму;

пашырэнне разнастайнасцi i геаграфii турыстычных маршрутаў, што будзе спрыяць прытоку ў рэспублiку замежных турыстаў;

значныя паступленнi ў дзяржаўны бюджэт, у тым лiку валютныя, найперш за кошт рэалiзацыi турыстычных паслуг.

Эфектыўнасць рэалiзацыi задач Дзяржаўнай праграмы вызначаецца дасягненнем паказчыкаў згодна з дадаткам 2, якiя прадстаўлены па гадах на працягу ўсяго тэрмiну яе рэалiзацыi.



ГЛАВА 6 РЭСУРСНАЕ ЗАБЕСПЯЧЭННЕ ДЗЯРЖАЎНАЙ ПРАГРАМЫ

Фiнансаванне мерапрыемстваў Дзяржаўнай праграмы прадугледжваецца за кошт бюджэтных сродкаў, сродкаў, прыцягнутых дабрачынным фондам "Любчанскi замак", i iншых крынiц, не забароненых заканадаўствам.

У 2012 - 2018 гадах на рэалiзацыю Дзяржаўнай праграмы спатрэбяцца сродкi ў суме 131406,3 млн. рублёў, у тым лiку з рэспублiканскага бюджэту - 2500 млн. рублёў, мясцовых бюджэтаў - 128881,3 млн. рублёў, сродкi iнвестараў - 25 млн. рублёў.

Акрамя таго, на рэалiзацыю Дзяржаўнай праграмы будуць накiраваны сродкi ў рамках штогод зацвярджаемай Указам Прэзiдэнта Рэспублiкi Беларусь дзяржаўнай iнвестыцыйнай праграмы.

Рэсурснае забеспячэнне Дзяржаўнай праграмы ажыццяўляецца згодна з дадаткам 3.

Па шэрагу аб'ектаў фiнансаванне мерапрыемстваў запланавана ў рамках iншых праграм, у тым лiку:

па замкаваму комплексу "Мiр", палацава-паркаваму ансамблю ў г. Нясвiжы, Старому замку ў г. Гродне, замку ў г. Лiдзе (рэканструкцыя), палацаваму комплексу ў г.п. Ружаны Пружанскага раёна - за кошт долевага ўдзелу сродкаў дзяржаўнай iнвестыцыйнай праграмы;

па замках у гарадах Быхаве, Лiдзе (рэстаўрацыя), Навагрудку i в. Гальшаны Ашмянскага раёна - у Дзяржаўнай праграме "Культура Беларусi" на 2011 - 2015 гады, зацверджанай пастановай Савета Мiнiстраў Рэспублiкi Беларусь ад 26 снежня 2010 г. N 1905 (Национальный реестр правовых актов Республики Беларусь, 2011 г., N 11, 5/33091);

па будаўнiцтву гiсторыка-культурнага комплексу "Замчышча" ў г. Тураве - за кошт сродкаў Дзяржаўнай праграмы сацыяльна-эканамiчнага развiцця i комплекснага выкарыстання прыродных рэсурсаў Прыпяцкага Палесся на 2010 - 2015 гады, зацверджанай Указам Прэзiдэнта Рэспублiкi Беларусь ад 29 сакавiка 2010 г. N 161 (Национальный реестр правовых актов Республики Беларусь, 2010 г., N 80, 1/11503).



Дадатак 1
да Дзяржаўнай праграмы
"Замкi Беларусi"
на 2012 - 2018 гады



МЕРАПРЫЕМСТВЫ ДЗЯРЖАЎНАЙ ПРАГРАМЫ "ЗАМКI БЕЛАРУСI" НА 2012 - 2018 ГАДЫ

----------------+-------------------+-----------+-------------+--------------+-------------
Назва, датаванне¦                   ¦           ¦             ¦              ¦
       i        ¦                   ¦  Тэрмiн   ¦  Плануемыя  ¦              ¦
месцазнаходжанне¦       Назва       ¦выканання, ¦   аб'ёмы    ¦   Крынiцы    ¦  Адказныя
   гiсторыка-   ¦   мерапрыемства   ¦   гады    ¦  расходаў,  ¦ фiнансавання ¦  выканаўцы
   культурнай   ¦                   ¦           ¦ млн. рублёў ¦              ¦
  каштоўнасцi   ¦                   ¦           ¦             ¦              ¦
----------------+-------------------+-----------+-------------+--------------+-------------
 Правядзенне рэстаўрацыйных работ i кансервацыйных мерапрыемстваў на гiсторыка-культурных
       каштоўнасцях з аднаўленнем iх кампазiцыйнай структуры i гiстарычнай забудовы,
                  прыстасаваннем да сучасных сацыяльна-культурных патрэб

                                     Брэсцкая вобласць

1. Камянецкая    замена пакрыцця        2012         51,8      мясцовы бюджэт Брэсцкi
вежа (ХIII       даху будынка,                                                аблвыканкам
стагоддзе),      планавы рамонт
г. Камянец

2. Рэшткi былога рэстаўрацыя i          2013        1200,0          -"-            -"-
палацавага       прыстасаванне          2014        1200,0
комплексу (ХVI   Усходняга корпуса      2015        1200,0
стагоддзе,       <*>                    2016        1300,0
першая палова                           2017        1300,0
ХVIII стагоддзя,                        2018        1300,0
1784 - 1786
гады),
г.п. Ружаны,
Пружанскi раён

                                       2013 -                  рэспублiканскi Мiнiстэрства
                                        2018                   бюджэт <**>    культуры

                                    Вiцебская вобласць

3. Руiны замка   кансервацыя            2015         20,0      мясцовы бюджэт Вiцебскi
"Белы Ковель"    рэшткаў муроў,         2016         20,0                     аблвыканкам,
(першая чвэрць   добраўпарадкаванне                                           Аршанскi
ХVII стагоддзя), тэрыторыi                                                    райвыканкам
в. Смаляны,
Аршанскi раён

                                    Гомельская вобласць

4. Парк з        кансервацыя            2012         25,0      сродкi         грамадская
рэшткамi сцяны   рэшткаў муроў,                                iнвестараў     арганiзацыя
замка            добраўпарадкаванне                                           "Наследие без
Вiшнявецкiх      тэрыторыi                                                    границ"
(канец XVIII                                                                  (Францыя),
стагоддзя),                                                                   Асацыяцыя
пас. Тэльман,                                                                 "Валь де
Брагiнскi раён                                                                Вуар"
                                                                              (Францыя)

                                   Гродзенская вобласць

5. Комплекс      кансервацыя i          2013        6200,0     мясцовы        Гродзенскi
Старога замка:   рэстаўрацыя            2014        6200,0     бюджэт         аблвыканкам
палац, фрагмент  гiстарычных            2015        6200,0
абарончых сцен,  пабудоў,               2016        6200,0
Нiжняя царква    рэканструкцыя          2017        6200,0
(руiны), Верхняя комплексу з            2018        6200,0
царква (рэшткi), прыстасаваннем пад
княжацкi хорам   установу культуры
(руiны), мост,   "Гродзенскi
замчышча (канец  дзяржаўны
ХI - ХIХ         гiсторыка-            2013 -                  рэспублiканскi Мiнiстэрства
стагоддзе),      археалагiчны           2018                   бюджэт <**>    культуры
г. Гродна,       музей" <*>
Замкавая гара,
вул. Замкавая,
22

6. Руiны былога  кансервацыя           2012 -                  мясцовы        Гродзенскi
замка Сапегi з   рэшткаў муроў,         2015                   бюджэт <***>   аблвыканкам
фрагментамi      арганiзацыя iх
абарончых        экспанавання
збудаванняў
(ХVI - ХVII                            2012 -                  рэспублiканскi Мiнiстэрства
стагоддзi,                              2015                   бюджэт         культуры
ХVIII - ХХ                                                     <***>
стагоддзi),
в. Гальшаны,
Ашмянскi раён

7. Рэшткi замка  кансервацыя            2012         10,0      мясцовы бюджэт Гродзенскi
(ХV - ХVI        рэшткаў муроў                                                аблвыканкам,
стагоддзi),                                                                   Iўеўскi
в. Геранёны,                                                                  райвыканкам
Iўеўскi раён

8. Замкавы       другая - трэцяя       2012 -                  рэспублiканскi Мiнiстэрства
комплекс "Мiр"   чэргi:                 2013                   бюджэт <**>    культуры
(ХVI - ХХ        рэканструкцыя
стагоддзi),      былога рэгулярнага
г.п. Мiр,        парку, пейзажнага
Карэлiцкi раён   парку, рэстаўрацыя
                 мемарыяла на месцы
                 знiшчэння мiрных
                 жыхароў, става,
                 дамбы, агароджы,
                 малых
                 архiтэктурных
                 форм; чацвёртая
                 чарга:
                 рэканструкцыя
                 флiгеля, рэшткаў
                 асноўнага корпуса
                 палаца, фрагмента
                 агароджы з уязной
                 брамай i ўваходнай
                 групай, малых
                 архiтэктурных
                 форм,
                 добраўпарадкаванне
                 тэрыторыi

9. Рэшткi замка  кансервацыя руiн з    2012 -                  мясцовы        Гродзенскi
(ХIII - ХVI      частковай              2015                   бюджэт <***>   аблвыканкам,
стагоддзi),      рэканструкцыяй                                               Навагрудскi
г. Навагрудак,   вежы "Шчытоўка"                                              райвыканкам
вул. Малы Замак
                                       2012 -                  рэспублiканскi Мiнiстэрства
                                        2015                   бюджэт        культуры
                                                               <***>

10. Замак        рэстаўрацыя           2012 -                  мясцовы бюджэт Гродзенскi
(ХIV стагоддзе),                        2013                   <***>          аблвыканкам,
г. Лiда                                                                       Лiдскi
                                                                              райвыканкам

                                       2012 -                  рэспублiканскi Мiнiстэрства
                                        2013                   бюджэт <***>   культуры

                 рэканструкцыя          2013        6500,0     мясцовы бюджэт Гродзенскi
                                        2014        6532,0                    аблвыканкам,
                                                                              Лiдскi
                                                                              райвыканкам

                                       2013 -                  рэспублiканскi Мiнiстэрства
                                        2014                   бюджэт <**>    культуры

11. Фрагменты    рэстаўрацыя <*>       2012 -        аб'ём     сродкi         Навагрудскi
замка: дзве                             2018     фiнансавання  дабрачыннага   райвыканкам,
вежы, земляныя                                       будзе     фонду          дабрачынны
ўмацаваннi з                                       вызначаны   "Любчанскi     фонд
рэшткамi                                             пасля     замак"         "Любчанскi
абарончых                                         распрацоўкi                 замак"
збудаванняў,                                       праектна-
былы палац,                                       каштарыснай
флiгель                                          дакументацыi
(ХVI - ХIХ
стагоддзi),
г.п. Любча,
Навагрудскi раён

12. Фрагменты    кансервацыя            2012         600,0     мясцовы бюджэт Гродзенскi
замка (ХIV       абарончых муроў,       2013         600,0                    аблвыканкам
стагоддзе),      рэканструкцыя          2014         600,0
в. Крэва,        паўночнай вежы з       2015         700,0
Смаргонскi раён  размяшчэннем
                 музейнай
                 экспазiцыi <*>

                                        2012         600,0     рэспублiканскi Мiнiстэрства
                                        2013         600,0     бюджэт         культуры
                                        2014         600,0
                                        2015         700,0

                                   Магiлёўская вобласць

13. Фрагменты    кансервацыя           2012 -                  мясцовы        Магiлёўскi
замка            пабудоў (пры           2015                   бюджэт <***>   аблвыканкам
(1610 - 1619     наяўнасцi
гады), г. Быхаў  пазабюджэтных
                 iнвестыцый магчыма    2012 -                  рэспублiканскi Мiнiстэрства
                 рэстаўрацыя з          2015                   бюджэт        культуры
                 рэканструкцыяй i                              <***>
                 прыстасаваннем)

                                     Мiнская вобласць

14. Палацава-    другi - трэцi          2012                   рэспублiканскi Мiнiстэрства
паркавы ансамбль этапы:                                        бюджэт <**>    культуры
(ХVI - XIХ       рэканструкцыя
стагоддзi),      гаража, лядоўнi,
г. Нясвiж        добраўпарадкаванне
                 тэрыторыi

                 чацвёрты этап -        2012        1000,0     мясцовы бюджэт Мiнскi
                 рэканструкцыя          2013        1000,0                    аблвыканкам
                 парку

   Вызначэнне межаў i рэгламентаў утрымання тэрыторый гiсторыка-культурных каштоўнасцей,
                            стварэнне ўмоў для развiцця турызму

                                     Брэсцкая вобласць

15. Гарадзiшча   распрацоўка            2012          3,0      мясцовы бюджэт Брэсцкi
перыяду          праекта зон аховы,     2013          5,0                     аблвыканкам,
сярэднявечча     добраўпарадкаванне     2014          8,0                     Баранавiцкi
(ХVI стагоддзе), тэрыторыi з            2015          7,0                     райвыканкам
в. Старая Мыш,   устаноўкай
Баранавiцкi      памятнага знака
раён, 0,1 км на
поўдзень, на
правым беразе
р. Мышанка

16. Рэшткi       распрацоўка            2013          5,0           -"-       Брэсцкi
былога замка     праекта зон аховы,     2014          5,0                     аблвыканкам,
Вiшнявецкiх      добраўпарадкаванне                                           Драгiчынскi
(XVII - XVIII    тэрыторыi                                                    райвыканкам
стагоддзi),
в. Жабер,
Драгiчынскi раён

17. Рэшткi замка         -"-            2013          5,0           -"-       Брэсцкi
(XVII                                   2014          5,0                     аблвыканкам,
стагоддзе),                             2015          5,0                     Жабiнкаўскi
в. Крыўляны,                            2016          5,0                     райвыканкам
Жабiнкаўскi раён

18. Гарадзiшча   распрацоўка            2013          5,0           -"-       Брэсцкi
перыяду          праекта зон аховы,     2014          5,0                     аблвыканкам,
сярэднявечча     добраўпарадкаванне     2015          5,0                     Пружанскi
(XV - XVI        тэрыторыi з                                                  райвыканкам
стагоддзi),      устаноўкай
в. Лыскава,      памятнага знака
Пружанскi раён,
0,5 км на
паўночны ўсход,
урочышча
Гарадзiшча

19. Замчышча     распрацоўка            2012          5,0           -"-       Брэсцкi
(ХIV - ХVII      праекта зон аховы,     2014         10,0                     аблвыканкам,
стагоддзi),      добраўпарадкаванне                                           Кобрынскi
в. Запруды,      тэрыторыi                                                    райвыканкам
Кобрынскi раён

                                    Вiцебская вобласць

20. Гарадзiшча   добраўпарадкаванне     2012         300,0     мясцовы бюджэт Вiцебскi
(IХ - ХV         тэрыторыi,             2013         300,0                    аблвыканкам,
стагоддзi),      аднаўленне             2014         300,0                    Браслаўскi
г. Браслаў, у    фрагментаў замка       2015         300,0                    райвыканкам
цэнтры горада,                          2016         300,0
на перашыйку                            2017         500,0
памiж азёрамi                           2018         500,0
Дрывяты i
Навята, на
Замкавай гары
(14 м)

21. Замчышча     добраўпарадкаванне     2015         100,0          -"-            -"-
(ХVI - XVII      тэрыторыi
стагоддзi),
в. Iказнь,
Браслаўскi раён,
на востраве воз.
Iказнь, на
штучным пагорку,
якi ўзнiмаецца
над пляцоўкай на
5 м

22. Замчышча             -"-            2012          2,0           -"-       Вiцебскi
(IX - XVII                              2013          2,0                     аблвыканкам,
стагоддзi),                             2014          3,0                     Вiцебскi
г.п. Сураж,                             2015          3,0                     райвыканкам
Вiцебскi раён,
на мысе пры
злiццi рэк
Заходняя Дзвiна
i Каспля

23. Селiшча,     добраўпарадкаванне     2012          1,0           -"-       Вiцебскi
замчышча         тэрыторыi,             2013          2,0                     аблвыканкам,
(XIV - XVI       распрацоўка            2014          3,0                     Лепельскi
стагоддзi),      праекта зон аховы      2015         10,0                     райвыканкам
в. Стары Лепель,                        2016          3,0
Лепельскi раён,                         2017          3,0
насупраць вёскi,                        2018          3,0
на востраве

24. Верхнi замак добраўпарадкаванне     2012         200,0          -"-       Вiцебскi
(X - XIII        тэрыторыi              2013         200,0                    аблвыканкам,
стагоддзi),                             2014         200,0                    Полацкi
г. Полацк                               2015         200,0                    гарвыканкам

25. Нiжнi замак          -"-         2012 - 2015    сума на         -"-            -"-
з валам Iвана                                    фiнансаванне
Грознага (XVI                                    закладзена ў
стагоддзе),                                        пункце 24
г. Полацк                                          дадзенага
                                                    дадатку

26. Замчышча             -"-            2012         20,0           -"-       Вiцебскi
(XVI стагоддзе),                        2013         20,0                     аблвыканкам,
в. Кульнева,                                                                  Расонскi
Расонскi раён,                                                                райвыканкам
1,5 км ад вёскi

                                     Мiнская вобласць

27. Замчышча     распрацоўка            2013         10,0      мясцовы бюджэт Мiнскi
(XII - XIV       праекта зон аховы,     2014         20,0                     аблвыканкам,
стагоддзi),      добраўпарадкаванне     2015         20,0                     Барысаўскi
г. Барысаў       тэрыторыi              2016         20,0                     райвыканкам
                                        2017         20,0

28. Гарадзiшча   добраўпарадкаванне     2014         180,0          -"-       Мiнскi
(XV - XIX        тэрыторыi (з                                                 аблвыканкам,
стагоддзi),      уладкаваннем                                                 Маладзечанскi
г. Маладзечна    стаянкi для                                                  райвыканкам
                 аўтатранспарту
                 ўздоўж р. Уша)

29. Гарадзiшча   добраўпарадкаванне     2016         35,0           -"-            -"-
(XIV - XVII      тэрыторыi
стагоддзi),      (устаноўка
в. Гарадок,      агароджы з
Маладзечанскi    уладкаваннем
раён, у          падыходу i
паўночнай частцы пляцоўкi для
вёскi, на левым  агляду)
беразе
р. Бярэзiна

30. Гарадзiшча   добраўпарадкаванне     2018          3,0           -"-       Мiнскi
Вал (другая      тэрыторыi                                                    аблвыканкам,
палова X - XI                                                                 Мiнскi
стагоддзе),                                                                   райвыканкам
г. Заслаўе,
вул. Мiнская,
Мiнскi раён

31. Гарадзiшча   распрацоўка            2013         10,0           -"-       Мiнскi
старажытнага     праекта зон аховы,     2018         10,0                     аблвыканкам,
Лагойска         добраўпарадкаванне                                           Лагойскi
(замчышча)       тэрыторыi                                                    райвыканкам
(X - XV
стагоддзi),
г. Лагойск

32. Гарадзiшча   добраўпарадкаванне     2017          2,0           -"-       Мiнскi
(X - XIII,       тэрыторыi                                                    аблвыканкам,
XVI - XVIII                                                                   Мядзелькi
стагоддзi),                                                                   райвыканкам
г. Мядзель

33. Гарадзiшча           -"-            2018          1,5           -"-       Мiнскi
(IX - XIII                                                                    аблвыканкам,
стагоддзi),                                                                   Слуцкi
г. Слуцк, на                                                                  райвыканкам
правым беразе
р. Случ, памiж
вулiцамi
Пiянерскай,
Вiленскай i
Ленiна

     Музеефiкацыя помнiкаў археалогii ў мэтах прыцягнення ўвагi грамадзян да пытанняў
                          захавання гiсторыка-культурнай спадчыны

                                    Гомельская вобласць

34. Гарадзiшча   будаўнiцтва           2012 -                  сродкi         Гомельскi
старажытнага     гiсторыка-             2015                   аблiгацыйнай   аблвыканкам,
Турава перыяду   культурнага                                   пазыкi <****>  Жыткавiцкi
ранняга          комплексу                                                    райвыканкам
сярэднявечча     "Замчышча"
(Х - ХIII
стагоддзi),
г. Тураў,
Жыткавiцкi раён

35. Гарадзiшча   музеефiкацыя           2012          5,0      мясцовы бюджэт Гомельскi
перыяду ранняга                         2013          5,0                     аблвыканкам,
жалезнага веку                                                                Рэчыцкi
(VII - III                                                                    райвыканкам
стагоддзi да
н.э.),
в. Мiлаград,
Рэчыцкi раён

                                   Магiлёўская вобласць

36. Замак        музеефiкацыя з         2015          5,0      мясцовы бюджэт Магiлёўскi
(ХVI - ХVIII     аднаўленнем            2016         10,0                     аблвыканкам,
стагоддзi),      асобных элементаў      2017         10,0                     Глускi
г. Глуск                                2018         10,0                     райвыканкам

37. Археалагiчны музеефiкацыя           2016         10,0           -"-       Магiлёўскi
комплекс:                               2017         10,0                     аблвыканкам,
замчышча, месца                         2018         20,0                     Шклоўскi
Шклоўскае,                                                                    райвыканкам
рэшткi кляштара
дамiнiканцаў,
руiны
Петрапаўлаўскай
царквы
(ХIV - XVIII
стагоддзi),
в. Рыжкавiчы,
Шклоўскi раён,
паўднёвая
ўскраiна
г. Шклова

                                        Горад Мiнск

38. Замчышча     распрацоўка            2014        12500,0    мясцовы бюджэт Мiнскi
(ХI - ХХ         праекта i              2015        12500,0                   гарвыканкам
стагоддзi), у    будаўнiцтва            2016        12500,0
складзе          музейнага аб'екта      2017        12500,0
гiстарычнага     "Мiнскае замчышча.     2018        12573,0
цэнтра г. Мiнска Паўднёва-заходняя
                 частка.
                 Нацыянальны
                 гiсторыка-
                 археалагiчны
                 цэнтр" <*>
-------------------------------------------------------------------------------------------


Усяго на рэалiзацыю мерапрыемстваў Дзяржаўнай праграмы спатрэбiцца 131406,3 млн. рублёў, у тым лiку па гадах (млн. рублёў): 2012 - 2822,8, 2013 - 16669, 2014 - 28371, 2015 - 21975, 2016 - 20403, 2017 - 20545, 2018 - 20625,5, з iх:

рэспублiканскi бюджэт - 2500 млн. рублёў, у тым лiку па гадах (млн. рублёў): 2012 - 600, 2013 - 600, 2014 - 600, 2015 - 700;

мясцовыя бюджэты - 128881,3 млн. рублёў, у тым лiку па гадах (млн. рублёў): 2012 - 2197,8, 2013 - 16069, 2014 - 27771, 2015 - 21275, 2016 - 20403, 2017 - 20545, 2018 - 20620,5, з iх аблвыканкамы: Брэсцкi - 7634,8 млн. рублёў (у тым лiку па гадах (млн. рублёў): 2012 - 59,8, 2013 - 1220, 2014 - 1233, 2015 - 1217, 2016 - 1305, 2017 - 1300, 2018 - 1300), Вiцебскi - 3515 млн. рублёў (у тым лiку па гадах (млн. рублёў): 2012 - 523, 2013 - 524, 2014 - 506, 2015 - 633, 2016 - 323, 2017 - 503, 2018 - 503), Гомельскi - 10 млн. рублёў (у тым лiку па гадах (млн. рублёў): 2012 - 5, 2013 - 5), Гродзенскi - 52742 млн. рублёў (у тым лiку па гадах (млн. рублёў): 2012 - 610, 2013 - 13300, 2014 - 13332, 2015 - 6900, 2016 - 6200, 2017 - 6200, 2018 - 6200), Магiлёўскi - 75 млн. рублёў (у тым лiку па гадах (млн. рублёў): 2015 - 5, 2016 - 20, 2017 - 20, 2018 - 30), Мiнскi - 2331,5 млн. рублёў (у тым лiку па гадах (млн. рублёў): 2012 - 1000, 2013 - 1020, 2014 - 200, 2015 - 20, 2016 - 55, 2017 - 22, 2018 - 14,5), Мiнскi гарвыканкам - 62573 млн. рублёў (у тым лiку па гадах (млн. рублёў): 2014 - 12500, 2015 - 12500, 2016 - 12500, 2017 - 12500, 2018 - 12573);

сродкi iнвестараў - 2012 год - 25 млн. рублёў.

--------------------------------

<*> Аб'ём фiнансавання будзе ўдакладнены пасля распрацоўкi праектна-каштарыснай дакументацыi.

<**> Фiнансаванне мерапрыемства плануецца ў рамках дзяржаўнай iнвестыцыйнай праграмы, якая штогод зацвярджаецца Указам Прэзiдэнта Рэспублiкi Беларусь.

<***> Фiнансаванне мерапрыемства прадугледжана Дзяржаўнай праграмай "Культура Беларусi" на 2011 - 2015 гады.

<****> Фiнансаванне мерапрыемства прадугледжана Дзяржаўнай праграмай сацыяльна-эканамiчнага развiцця i комплекснага выкарыстання прыродных рэсурсаў Прыпяцкага Палесся на 2010 - 2015 гады.



Дадатак 2
да Дзяржаўнай праграмы
"Замкi Беларусi"
на 2012 - 2018 гады



ПАКАЗЧЫКI ДЗЯРЖАЎНАЙ ПРАГРАМЫ "ЗАМКI БЕЛАРУСI" НА 2012 - 2018 ГАДЫ

---------------+---------------------+---------+----------------------------------------
               ¦                     ¦ Адзiнка ¦      Значэнне паказчыка па гадах
    Задача     ¦Паказчыкi рэалiзацыi ¦вымярэння+----+-----T-----+-----T-----+-----T-----
               ¦       задачы        ¦паказчыка¦2012¦2013 ¦2014 ¦2015 ¦2016 ¦2017 ¦2018
               ¦                     ¦         ¦    ¦     ¦     ¦     ¦     ¦     ¦
---------------+---------------------+---------+----+-----+-----+-----+-----+-----+-----
Правядзенне     колькасць аб'ектаў      штук     11   10     8     8     4     3     3
рэстаўрацыйных  гiсторыка-культурнай
работ i         спадчыны, на якiх
кансервацыйных  праводзяцца
мерапрыемстваў  рэстаўрацыйна-
на гiсторыка-   аднаўленчыя работы (у
культурных      2011 годзе такiх
каштоўнасцях з  аб'ектаў - 6)
аднаўленнем iх
кампазiцыйнай   павелiчэнне колькасцi працэнтаў  -     3     3     3     3     3     3
структуры i     наведванняў аб'ектаў,
гiстарычнай     на якiх створаны
забудовы,       музейныя экспазiцыi
прыстасаваннем  (на 18 працэнтаў да
да сучасных     2018 года, па стану
сацыяльна-      на 1 кастрычнiка
культурных      2011 г. -
патрэб          500 тыс. наведванняў)

Вызначэнне      колькасць аб'ектаў,     штук     -     1     3     6     2     2     5
межаў i         на якiх выканана
рэгламентаў     добраўпарадкаванне
утрымання       тэрыторый,
тэрыторый       зацверджаны праекты
гiсторыка-      зон аховы
культурных
каштоўнасцей,
стварэнне ўмоў
для развiцця
турызму

Музеефiкацыя    колькасць створаных      -"-     -     1     -     1     -     -     3
помнiкаў        музейных экспазiцый
археалогii ў
мэтах
прыцягнення
ўвагi грамадзян
да пытанняў
захавання
гiсторыка-
культурнай
спадчыны
----------------------------------------------------------------------------------------


Дадатак 3
да Дзяржаўнай праграмы
"Замкi Беларусi"
на 2012 - 2018 гады



РЭСУРСНАЕ ЗАБЕСПЯЧЭННЕ ДЗЯРЖАЎНАЙ ПРАГРАМЫ "ЗАМКI БЕЛАРУСI" НА 2012 - 2018 ГАДЫ

----------------+---------------+-------------------------------------------------------------
     Задачы     ¦               ¦     Плануемыя аб'ёмы расходаў па гадах, тыс. рублёў <*>
   Дзяржаўнай   ¦               ¦
   праграмы i   ¦   Заказчык    +-------+--------+--------+--------+--------+--------+--------
    крынiцы     ¦               ¦ 2012  ¦  2013  ¦  2014  ¦  2015  ¦  2016  ¦  2017  ¦  2018
  фiнансавання  ¦               ¦       ¦        ¦        ¦        ¦        ¦        ¦
----------------+---------------+-------+--------+--------+--------+--------+--------+--------
1. Правядзенне                   2286800 16100000 15132000 8820000  7520000  7500000  7500000
рэстаўрацыйных
работ i
кансервацыйных
мерапрыемстваў
на гiсторыка-
культурных
каштоўнасцях з
аднаўленнем iх
кампазiцыйнай
структуры i
гiстарычнай
забудовы,
прыстасаваннем
да сучасных
сацыяльна-
культурных
патрэб - усяго

  у тым лiку:

  рэспублiканскi Мiнкультуры     600000   600000   600000   700000     -        -        -
  бюджэт

  мясцовыя       аблвыканкамы    1661800 15500000 14532000 8120000  7520000  7500000  7500000
  бюджэты

                   у тым лiку:

                   Брэсцкi        51800  1200000  1200000  1200000  1300000  1300000  1300000

                   Вiцебскi         -       -        -      20000    20000      -        -

                   Гродзенскi    610000  13300000 13332000 6900000  6200000  6200000  6200000

                   Мiнскi        1000000 1000000     -        -        -        -        -

  сродкi         грамадская       25000     -        -        -        -        -        -
  iнвестараў     арганiзацыя
                 "Наследие без
                 границ"
                 (Францыя),
                 Асацыяцыя "Валь
                 де Вуар"
                 (Францыя)

2. Вызначэнне    аблвыканкамы    531000   564000   739000   650000   363000   525000   517500
межаў i
рэгламентаў
утрымання          у тым лiку:
тэрыторый
гiсторыка-         Брэсцкi
культурных
каштоўнасцей,      Вiцебскi       8000    20000    33000    17000     5000      -        -
стварэнне ўмоў
для развiцця       Мiнскi        523000   524000   506000   613000   303000   503000   503000
турызму -
мясцовыя бюджэты                    -     20000    200000   20000    55000    22000    14500

3. Музеефiкацыя  аблвыканкамы,    5000     5000   12500000 12505000 12520000 12520000 12603000
помнiкаў         Мiнскi
археалогii ў     гарвыканкам
мэтах
прыцягнення        у тым лiку:
ўвагi грамадзян
да пытанняў        Гомельскi
захавання          аблвыканкам    5000     5000      -        -        -        -        -
гiсторыка-
культурнай         Магiлёўскi
спадчыны -         аблвыканкам      -       -        -       5000    20000    20000    30000
мясцовыя бюджэты
                   Мiнскi           -       -     12500000 12500000 12500000 12500000 12573000
                   гарвыканкам
----------------------------------------------------------------------------------------------
Усяго па                         2822800 16669000 28371000 21975000 20403000 20545000 20620500
Дзяржаўнай
праграме

  у тым лiку:

  рэспублiканскi Мiнкультуры     600000   600000   600000   700000     -        -        -
  бюджэт

  мясцовыя       аблвыканкамы,   2197800 16069000 27771000 21275000 20403000 20545000 20620500
  бюджэты        Мiнскi
                 гарвыканкам

                   у тым лiку:

                   аблвыканкамы:

                      Брэсцкi     59800  1220000  1233000  1217000  1305000  1300000  1300000

                      Вiцебскi   523000   524000   506000   633000   323000   503000   503000

                      Гомельскi   5000     5000      -        -        -        -        -

                      Гродзенскi 610000  13300000 13332000 6900000  6200000  6200000  6200000

                      Магiлёўскi    -       -        -       5000    20000    20000    30000

                      Мiнскi     1000000 1020000   200000   20000    55000    22000    14500

                   Мiнскi
                   гарвыканкам      -       -     12500000 12500000 12500000 12500000 12573000

  сродкi         грамадская       25000     -        -        -        -        -        -
  iнвестараў     арганiзацыя
                 "Наследие без
                 границ"
                 (Францыя),
                 Асацыяцыя "Валь
                 де Вуар"
                 (Францыя)


--------------------------------

<*> Аб'ёмы фiнансавання з рэспублiканскага i мясцовых бюджэтаў будуць удакладняцца пры iх планаваннi на чарговы фiнансавы год.






Архіў дакументаў
Папярэдні | Наступны
Новости законодательства

Новости Спецпроекта "Тюрьма"

Новости сайта
Новости Беларуси

Полезные ресурсы

Счетчики
Rambler's Top100
TopList