"Сумеснае камюнiке аб устанаўленнi дыпламатычных адносiн памiж Рэспублiкай Беларусь i Княствам Андора"

Зарегистрировано в НРПА РБ 8 ноября 2011 г. N 3/2736

Уступiла ў сiлу 27 верасня 2011 года

Рэспублiка Беларусь i Княства Андора,

жадаючы развiваць i ўмацоўваць дружалюбныя адносiны i супрацоўнiцтва памiж дзвюма дзяржавамi ў палiтычнай, эканамiчнай i культурнай галiнах на аснове роўнасцi, узаемнай павагi да суверэнiтэту i незалежнасцi абедзвюх дзяржаў i неўмяшання ва ўнутраныя справы кожнай з дзяржаў,

кiруючыся мэтамi i прынцыпамi Статута Арганiзацыi Аб'яднаных Нацый, Венскай канвенцыi аб дыпламатычных зносiнах 1961 года i Венскай канвенцыi аб консульскiх зносiнах 1963 года,

будучы ўпэўненымi, што ўстанаўленне дыпламатычных адносiн памiж Рэспублiкай Беларусь i Княствам Андора адпавядае iнтарэсам абедзвюх дзяржаў, не накiравана супраць любой iншай дзяржавы i будзе садзейнiчаць умацаванню мiжнароднага супрацоўнiцтва i мiру,

дамовiлiся ўстанавiць дыпламатычныя адносiны з даты падпiсання гэтага Сумеснага камюнiке.

У сведчанне чаго ўпаўнаважаныя прадстаўнiкi Рэспублiкi Беларусь i Княства Андора падпiсалi гэта Сумеснае камюнiке.

Здзейснена ў горадзе Нью-Ёрку 27 верасня 2011 года ў двух экзэмплярах, кожны на беларускай, каталанскай i англiйскай мовах, прычым усе тэксты маюць аднолькавую сiлу.

За Рэспублiку Беларусь                    За Княства Андора
           Сяргей Мартынаў,                          Жыльбер Сабайя Сунiе,
           Мiнiстр замежных спраў                    Мiнiстр замежных спраў