ПАГАДНЕННЕ
ПАМIЖ УРАДАМ РЭСПУБЛIКI БЕЛАРУСЬ I УРАДАМ РЭСПУБЛIКI МАЛДОВА
АБ СУПРАЦОЎНIЦТВЕ Ў ГАЛIНЕ МАЛАДЗЁЖНАЙ ПАЛIТЫКI*
_____________________________
*Уступiла ў сiлу 12 верасня 1995 г.
Урад Рэспублiкi Беларусь i Урад Рэспублiкi Малдова, у далейшым
якiя будуць называцца "Бакi",
iмкнучыся да развiцця i ўзмацнення дружалюбных адносiн памiж
дзвюма дзяржавамi,
перакананыя у тым, што супрацоўнiцтва ў галiне маладзёжнай
палiтыкi мае важнае значэнне ў зблiжэннi i паглыбленнi ўзаемаадносiн
памiж дзвюма народамi,
жадаючы развiваць i ў далейшым сяброўскiя сувязi памiж моладдзю
Беларусi i Малдовы,
маючы на ўвазе, што на сучасным этапе развiцця грамадства роля
моладзi ў вырашэннi грамадскiх праблем няспынна ўзрастае,
ДАМОВIЛIСЯ АБ НАСТУПНЫМ:
Артыкул 1
Бакi будуць усямерна садзейнiчаць пашырэнню i ўзмацненню
супрацоўнiцтва ў галiне маладзёжнай палiтыкi. Бакi будуць iмкнуцца
далучыць моладзь i маладзёжныя арганiзацыi да рэалiзацыi праграм
супрацоўнiцтва ў галiне эканомiкi, экалогii, аховы здароўя,
адукацыi, культуры i спорту.
Артыкул 2
Бакi будуць спрыяць эфектыўнаму ўзаемакарыснаму абмену
iнфармацыяй у галiне маладзёжнай палiтыкi, фармiраванню сумесных
банкаў дадзеных, правядзенню семiнараў, канферэнцый, двухбаковых
кансультацый.
Артыкул 3
Бакi будуць заахвочваць маладзёжныя абмены з мэтай азнаямлення
моладзi дзвюх краiн з iх культурнай спадчынай, сучасным станам
культуры, лiтаратуры i мастацтва праз арганiзацыю фестываляў
мастацтваў, конкурсаў, выстаў, гастроляў выканаўчых калектываў i
салiстаў, правядзення дзён лiтаратуры i мастацтва творчай моладзi
Беларусi ў Малдове i Малдовы ў Беларусi; накiраванне прадстаўнiкоў
творчай моладзi для ўдзелу ў разнастайных семiнарах, конкурсах,
вечарынах i iншых мерапрыемствах, якiя будуць правадзiцца на
двухбаковай аснове.
Артыкул 4
Бакi будуць садзейнiчаць пашырэнню кантактаў памiж маладымi
грамадзянамi, фармiраванню сiстэмы абмену па вывучэнню вопыта
работы, правядзенню сумесных семiнараў, арганiзацыi сiстэмы
рэалiзацыi двухбаковых праектаў у галiне прадпрымальнiцтва i
фермерства.
Артыкул 5
Бакi будуць абменьвацца вопытам работы сацыялагiчных службаў,
аказваючых псiхалагiчную, юрыдычную i iншую дапамогу непаўналетнiм i
маладым грамадзянам.
Бакi будуць спрыяць фармiраванню двухбаковых праграм па
аказанню сацыяльнай дапамогi i падрыхтоўкi iнвалiдам, а таксама
недзеяздольнай моладзi.
Артыкул 6
Бакi накiруюць свае намаганнi на фармiраванне двухбаковых
праграм па аздараўленню экалагiчнага стану ў гарадах i iншых
населеных пунктах з удзелам маладых людзей, маладзёжных экалагiчных
аб'яднанняў.
Артыкул 7
Бакi будуць спрыяць развiццю сувязей памiж спартыўнымi
арганiзацыямi дзвюх дзяржаў i аказваць садзеянне ў развiццi фiзiчнай
культуры i масавага спорту сярод маладзёжных, студэнцкiх i школьных
арганiзацый, праводзiць мерапрыемствы па фармiраванню здаровага ладу
жыцця насельнiцтва, у тым лiку моладзi. Канкрэтныя формы i ўмовы
супрацоўнiцтва будуць вызначацца на падстве прамых пагадненняў памiж
зацiкаўленымi партнёрамi (арганiзацыямi) дзвюх краiн.
Артыкул 8
Бакi будуць садзейнiчаць абмену маладзёжнымi i студэнцкiмi
працоўнымi калектывамi (атрадамi), атрадамi дабраахвотнай працы, а
таксама развiваць сiстэму маладзёжнага турызму ў адпаведнасцi з
нацыянальным заканадаўствам.
Артыкул 9
У мэтах эфектыўнага выканання палажэнняў сапраўднага Пагаднення
адпаведнымi мiнiстэрствамi, ведамствамi i арганiзацыямi Рэспублiкi
Беларусь i Рэспублiкi Малдова могуць распрацоўвацца i падпiсвацца
мiжведамасныя пагадненнi i рабочыя пратаколы супрацоўнiцтва, якiя
закранаюць кампетэнцыю адпаведных мiнiстэрстваў i ведамстваў.
Артыкул 10
Сапраўднае Пагадненне ўступае ў сiлу з дня падпiсання,
дзейнiчае на працягу пяцi гадоў i будзе аўтаматычна прадоўжвацца на
наступныя пяцiгадовыя перыяды, калi нi адзiн з Бакоў пiсьмова не
паведамiць iншаму Боку аб сваiм рашэннi спынiць дзеянне Пагаднення
за 6 месяцаў да сканчэння чарговага перыяду.
Здзейснена ў Кiшынёве 12 верасня 1995 года ў дзвюх экземплярах
кожны на беларускай i малдаўскай мовах, прычым абодва тэксты маюць
аднолькавую сiлу.
За Урад Рэспублiкi Беларусь ______________ подпiс
За Урад Рэспублiкi Малдова ______________ подпiс
|
